[ad_1]
ନୂଆଦିଲ୍ଲୀ: ରାଜସ୍ଥାନର ବିକାନେର ଜିଲ୍ଲାର ନୋଖା ଥାନା ଅନ୍ତର୍ଗତ ରସିସର ଗାଁ ନିକଟରେ ଏକ ସ୍କର୍ପିଓ ଏବଂ ଟ୍ରକ୍ ମୁହାଁମୁହିଁ ଧକ୍କା ହେବାରୁ ୫ ଜଣଙ୍କ ମୃତ୍ୟୁ ଘଟିଛି । ମୃତକଙ୍କ ମଧ୍ୟରେ ୨ ଜଣ ପୁରୁଷ, ୨ ମହିଳା ଓ ଜଣେ ଶିଶୁ ରହିଛନ୍ତି ।
ଆଜି ଭୋର ୫ଟାରେ ଏହି ମର୍ମନ୍ତୁଦ ଦୁର୍ଘଟଣା ଘଟିଛି । ସମସ୍ତ ମୃତକଙ୍କ ଘର ଗୁଜୁରାଟରେ । ଏମାନେ ସମସ୍ତେ ପାଇଁ ଶ୍ରୀଗଙ୍ଗନଗରରୁ ବିବାହ ଉତ୍ସବରେ ଯୋଗ ଦେଇ ଫେରୁଥିଲେ । ଏହି ଦୁର୍ଘଟଣାରେ ଡାକ୍ତର ଦମ୍ପତି ଓ ତାଙ୍କର ୧୮ ମାସର ଝିଅ ସମେତ ୫ ଜଣଙ୍କ ଘଟଣାସ୍ଥଳରେ ମୃତ୍ୟୁ ଘଟିଛି । ମୃତ ଡାକ୍ତର ଦମ୍ପତିଙ୍କ ପରିଚୟ ମଳିଛି । ସେମାନେ ହେଲେ ଗୁଜୁରାଟର ଗୋଷ୍ଠୀ ସ୍ୱାସ୍ଥ୍ୟ ଅଧିକାରୀ ଡକ୍ଟର ପୂଜା, ତାଙ୍କ ସ୍ୱାମୀ ତଥା ଡକ୍ଟର ପ୍ରତୀକ ହେତଲ । ଏହି ଦୁର୍ଘଟଣାଗ୍ରସ୍ତ ଗାଡ଼ିରେ ଦୁଇଟି ପରିବାର ଥିବା ଜଣାପଡ଼ିଛି । ଘଟଣାସ୍ଥଳରେ ପୁଲିସ୍ ପହଞ୍ଚି ମୃତଦେହ ଜବତ କରିଛି । ମୃତକଙ୍କ ସଂପର୍କୀୟଙ୍କୁ ଖବର ଦିଆଯାଇଛି । ଦୁର୍ଘଟଣା ଏତେ ଜୋରରେ ହୋଇଥିଲା ଯେ ସ୍କର୍ପିଓ ଭାଙ୍ଗି ରୁଜି ଚୁରମାର ହୋଇ ଯାଇଛି ।
[ad_2]
