[ad_1]
ନୂଆଦିଲ୍ଲୀ: ବଲିଉଡ୍ ଫିଲ୍ମ ଗୀତରେ ଝୁମିଲେ ଜୋମାଟୋ ବଏ । ଏବେ ସୋସିଆଲ ମିଡିଆରେ ଏହି ଭିଡିଓ ଭାଇରାଲ ହେବାରେ ଲାଗିଛି। ଆଉ ଏହି ଭିଡିଓ ଦେଖି ଲୋକମାନେ ବିଭିନ୍ନ ପ୍ରକାର ପ୍ରତିକ୍ରିୟା ଦେବାରେ ଲାଗିଛନ୍ତି। ଯୁବକ ଜଣକ ରାତିରେ ରାସ୍ତା ଉପରେ ‘ ତେରି ବାତୋଁ ମେ ଏସା ଉଲ୍ ଝା ଜିଆ’ ଗୀତରେ ଡ୍ୟାନ୍ସ କରିଥିବା ଦେଖିବାକୁ ମିଳିଛି । ସେ ଜୋମାଟୋ ଲୋଗୋ ଥିବା ଜ୍ୟାକେଟ୍ ପିନ୍ଧିଛନ୍ତି । ତେବେ ଯୁବକ ଜଣକ ଏକ ଖାଦ୍ୟ ବିତରଣ କମ୍ପାନୀ ପାଇଁ ଡେଲିଭରି ଏଜେଣ୍ଟ ଭାବେ କାମ କରୁଥିବା କହିଛନ୍ତି ।
କିଛି ଦିନ ପୂର୍ବରୁ ଏହି ଭିଡିଓକୁ ଇନଷ୍ଟାଗ୍ରାମ ସେୟାର କରାଯାଇଥିଲା । ଖବର ଲେଖାଯିବା ସୁଧା ଭିଡିଓଟିକୁ ୧୨.୮ ନିୟୁତ ଥର ଦେଖାଯାଇଛି । ଅନେକ ଲୋକ ଏହି ଭିଡିଓକୁ ପ୍ରଶଂସା କରୁଥିବା ବେଳେ ଆଉ କିଛି ଥଟ୍ଟା କରୁଥିବା ଦେଖିବାକୁ ମିଳିଛି ।
ଜଣେ ଇନଷ୍ଟାଗ୍ରାମ ବ୍ୟବହାରକାରୀ ଲେଖିଛନ୍ତି,‘‘ ଏହି କାରଣରୁ ମୋ ପିଜା ବିଳମ୍ୱରେ ଆସେ ।’’ ସେହିପରି ଆଉ ଜଣେ ୟୁଜର୍ସ ଲେଖିଛନ୍ତି,‘‘ଜୋମାଟୋ କିମ୍ୱା ସ୍ୱିଗି ପକ୍ଷରୁ କୌଣସି ମନ୍ତବ୍ୟ ଆସି ନାହିଁ । ତେବେ ଯୁବକଙ୍କ ଡ୍ୟାନ୍ସ ଭିଡିଓକୁ ଦୃଷ୍ଟି ଆକର୍ଷଣ କରିବା ପାଇଁ କିଛି ଲୋକେ ଜୋମାଟୋକୁ ଟ୍ୟାଗ୍ କରିଛନ୍ତି।
[ad_2]
