[ad_1]
ନୂଆଦିଲ୍ଲୀ : ଆସନ୍ତାକାଲି ଘୋଷଣା ହେବ ନିର୍ବାଚନ ତାରିଖ। ଶନିବାର ଅପରାହ୍ନ ୩ ଟାରେ ଏନେଇ ଗୁରୁତ୍ତ୍ୱପୂର୍ଣ୍ଣ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହେବ I ଏହି ସମ୍ମିଳନୀରେ ଲୋକସଭା ଓ କିଛି ରାଜ୍ୟର ବିଧାନସଭା ପାଇଁ ନିର୍ବାଚନ ତାରିଖ ଘୋଷଣା କରିବେ ଇସିଆଇ ।
ଭାରତୀୟ ନିର୍ବାଚନ କମିଶନ ଆୟୋଜନ କରିବାକୁ ଯାଉଛି ଏକ ଗୁରୁତ୍ୱପୂର୍ଣ୍ଣ ବୈଠକ । ଏହି ବୈଠକରେ ମୁଖ୍ୟ ନିର୍ବାଚନ କମିଶନରଙ୍କ ସହ ଦୁଇ ନବନିଯୁକ୍ତ ନିର୍ବାଚନ କମିଶନର ସାମିଲ ହେବେ । ଏହି ବୈଠକରେ ଲୋକସଭା ନିର୍ବାଚନ ପ୍ରସ୍ତୁତିକୁ ନେଇ ଚର୍ଚ୍ଚା ହେବ । ଏହା ସହିତ ଦୁଇ ନୂତନ ନିର୍ବାଚନ କମିଶନରଙ୍କୁ ନିର୍ବାଚନ ପ୍ରକ୍ରିୟା ଓ ପ୍ରସ୍ତୁତି ବିଷୟରେ ତଥ୍ୟ ପ୍ରଦାନ କରାଯିବ । ନିର୍ବାଚନ କମିଶନଙ୍କ ସୋସିଆଲ ମିଡିଆ ପ୍ଲାଟଫର୍ମରେ ଏହାର ସିଧା ପ୍ରସାରଣ କରାଯିବ ।
ଲୋକସଭା ନିର୍ବାଚନ ୨୦୨୪ କେତେ ରାଜ୍ୟରେ କେତେ ପର୍ଯ୍ୟାୟରେ ବିଧାନସଭା ନିର୍ବାଚନ ଅନୁଷ୍ଠିତ ହେବ ତାରିଖ ଘୋଷଣା ପରେ ତାହା ସ୍ପଷ୍ଟ ହେବ I ତେବେ ତାରିଖ ଘୋଷଣା ହେବା ପରେ ଦେଶରେ ଲାଗୁହେବ ନିର୍ବାଚନ ଆଚରଣ ବିଧି I
[ad_2]
