[ad_1]
ନୂଆଦିଲ୍ଲୀ: ଅତ୍ୟାଧୁନିକ ଜ୍ଞାନକୌଶଳ ବ୍ୟବହାର କରି ଇ – ଯାନ (ଇଭି) ଯେପରି ଦେଶରେ ଉତ୍ପାଦନ ହୋଇ ପାରିବ, ସେଥିପାଇଁ ଭାରତକୁ କେନ୍ଦ୍ର ସରକାର ଏକ ଉତ୍ପାଦନ ସ୍ଥଳରେ ପରିଣତ କରିବା ପାଇଁ ଏକ ଯୋଜନାକୁ ଅନୁମୋଦନ କରିଛନ୍ତି । ବିଶ୍ୱର ପ୍ରତିଷ୍ଠିତ ଇଭି ଉତ୍ପାଦନକାରୀମାନଙ୍କ ଦ୍ୱାରା ଇ – ଯାନ କ୍ଷେତ୍ରରେ ପୁଞ୍ଜି ନିବେଶକୁ ଆକୃଷ୍ଟ କରିବା ପାଇଁ ଏହି ନୀତି ପ୍ରସ୍ତୁତ କରାଯାଇଛି ।
ଏହା ଭାରତୀୟ ଉପଭୋକ୍ତାଙ୍କୁ ଅତ୍ୟାଧୁନିକ ଜ୍ଞାନକୌଶଳ ଉପଲବ୍ଧ କରାଇବ, ମେକ୍ ଇନ୍ ଇଣ୍ଡିଆ ଅଭିଯାନକୁ ପ୍ରୋତ୍ସାହନ ମିଳିବ, ଇଭି କମ୍ପାନୀମାନଙ୍କ ମଧ୍ୟରେ ସୁସ୍ଥ ପ୍ରତିଯୋଗିତାକୁ ପ୍ରୋତ୍ସାହନ ଦେଇ ଇଭି ପାରିବେଶିକ ବ୍ୟବସ୍ଥାକୁ ସୁଦୃଢ଼ କରାଯିବ, ଯାହା ଦ୍ୱାରା ଅଧିକ ପରିମାଣର ଉତ୍ପାଦନ ହେବ, ଉଚ୍ଚ ସ୍ତରର ଅର୍ଥନୀତି ହାସଲ ହୋଇ ପାରିବ, ଉତ୍ପାଦନ ଖର୍ଚ୍ଚ କମ୍ ହେବ, ଅଶୋଧିତ ତୈଳ ଆମଦାନୀ ହ୍ରାସ ପାଇବ, ବାଣିଜ୍ୟ ନିଅଣ୍ଟ ହ୍ରାସ ପାଇବ, ବାୟୁ ପ୍ରଦୂଷଣ ହ୍ରାସ ପାଇବ, ବିଶେଷ କରି ସହର ମାନଙ୍କରେ ଏହା ସ୍ୱାସ୍ଥ୍ୟ ଓ ପରିବେଶ ଉପରେ ସକାରାତ୍ମକ ପ୍ରଭାବ ପକାଇବ ।
୧୫% ସୀମା ଶୁଳ୍କ ସର୍ବନିମ୍ନ ସିଆଇଏଫ୍ ମୂଲ୍ୟ ୩୫,୦୦୦ ଆମେରିକୀୟ ଡଲାର କିମ୍ବା ତା’ଠାରୁ ଅଧିକ ମୂଲ୍ୟର ଗାଡ଼ି ଉପରେ ୩ ବର୍ଷର ଅବଧି ମଧ୍ୟରେ ଭାରତରେ ଉତ୍ପାଦନ କାରଖାନା ସ୍ଥାପନ କରୁଥିବା ନିର୍ମାତାଙ୍କ ଉପରେ ମୋଟ ୫ ବର୍ଷର ଅବଧି ପାଇଁ ଲାଗୁ ହେବ । ଆମଦାନୀ ପାଇଁ ଅନୁମତି ପ୍ରାପ୍ତ ମୋଟ ଇଭି ସଂଖ୍ୟା ଉପରେ ପୂର୍ବ ନିର୍ଦ୍ଧାରିତ ଶୁଳ୍କ କେବଳ କରାଯାଇଥିବା ନିବେଶ କିମ୍ବା ୬୪୮୪ କୋଟି ଟଙ୍କା ଯେଉଁଟି କମ୍ ହେବ, ସେତିକିରେ ସୀମିତ ରହିବ । ଯଦି ନିବେଶ ୮୦୦ ନିୟୁତ ଆମେରିକୀୟ ଡଲାର କିମ୍ବା ତା’ଠାରୁ ଅଧିକ ହୁଏ, ତେବେ ବାର୍ଷିକ ୮,୦୦୦ରୁ ଅଧିକ ହାରରେ ହୋଇ ନଥିବା ସର୍ବାଧିକ ୪୦,୦୦୦ ଇଭିକୁ ଅନୁମତି ଦିଆଯିବ । ଅନୁପଯୋଗ ବାର୍ଷିକ ଆମଦାନୀ ସୀମା ବହନ କରିବାକୁ ଅନୁମତି ଦିଆଯିବ ।
[ad_2]
