ଇଡି ଅଫିସରେ କେମିତି କଟିଲା କେଜ୍ରିୱାଲଙ୍କ ପ୍ରଥମ ରାତି, ସକାଳୁ ଉଠି କ’ଣ କଲେ ମୁଖ୍ୟମନ୍ତ୍ରୀ – Sahana Mela
[ad_1]
ନୂଆଦିଲ୍ଲୀ: ଗିରଫ ହୋଇଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ । ଦୀର୍ଘ ୨ ଘଣ୍ଟାର ପଚରାଉଚରା ପରେ ଗତକାଲି କେଜ୍ରିୱାଲଙ୍କୁ ଗିରଫ କରିଛି ଇଡି । ତାଙ୍କୁ ଆଜି PMLA କୋର୍ଟରେ ହାଜର କରାଯିବ । ଗିରଫ ପରେ ଅରବିନ୍ଦ କେଜ୍ରିୱାଲଙ୍କୁ ଇଡି ମୁଖ୍ୟାଳୟର ଜେଲରେ ରଖାଯାଇଥିଲା । ଇଡି ମୁଖ୍ୟାଳୟର ଜେଲ ଭିତରେ କଟିଲା କେଜ୍ରିୱାଲଙ୍କ ପ୍ରଥମ ରାତି ।
ସୂଚନାନୁସାରେ, ଇଡି ମୁଖ୍ୟାଳୟରେ ଦୁଇଟି ଲକ୍ଅପ୍ ଅଛି ଏବଂ ସମଗ୍ର ମୁଖ୍ୟାଳୟରେ ସେଣ୍ଟ୍ରାଲ ଏସି ଲାଗିଛି । କେଜ୍ରିୱାଲ ଯେଉଁ ଲକ୍ଅପରେ ରହିଥିଲେ ତାହା ତଳ ମହଲାରେ ରହିଛି । ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଇଡି ଲକଅପରେ ରାତିରେ ଠିକ୍ ଭାବରେ ଶୋଇପାରୁନଥିବା ଦେଖିବାକୁ ମିଳିଥିଲା । ସକାଳୁ ଉଠି ସେ ନିତ୍ୟକର୍ମ ସାରି ଜଳଖିଆ ଖାଇଥିଲେ । ତା’ପରେ ସେ ତାଙ୍କର ନିତ୍ୟ ସେବନ ଔଷଧ ଖାଇଥିଲେ । ଦିଲ୍ଲୀର ସିଏମ୍ ଅରବିନ୍ଦ କେଜ୍ରିୱାଲଙ୍କ ଡାକ୍ତରୀ ପରୀକ୍ଷା ମଧ୍ୟ ଇଡି କାର୍ଯ୍ୟାଳୟରେ କରାଯାଇଥିଲା ।
ସୂଚନାଯୋଗ୍ୟ ଯେ, ଗତକାଲି ଇଡି ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲଙ୍କୁ ତାଙ୍କ ବାସଭବନରେ ଦିଲ୍ଲୀ ମଦ ଦୁର୍ନୀତି ମାମଲାରେ ପଚରାଉଚରା କରିଥିଲା ଏବଂ ପରେ ତାଙ୍କୁ ଗିରଫ କରାଯାଇ ଇଡି ମୁଖ୍ୟାଳୟକୁ ନିଆଯାଇଥିଲା । ଅରବିନ୍ଦ କେଜ୍ରିୱାଲ ଗିରଫ ହେବା ପରେ ଆମ୍ ଆଦମୀ ଦଳର କର୍ମୀ ତଥା ନେତାଙ୍କ ମଧ୍ୟରେ ଅନେକ ଆକ୍ରୋଶ ଦେଖିବାକୁ ମିଳିଛି । ସେପଟେ କେଜ୍ରିୱାଲଙ୍କ ଗିରଫ ପରେ ବିଧାନସଭାର ସ୍ୱତନ୍ତ୍ର ଅଧିବେଶନ ବର୍ତ୍ତମାନ ପର୍ଯ୍ୟନ୍ତ ବାତିଲ ହୋଇଛି ।
ମାର୍ଚ୍ଚ ୨୭ ରେ ବିଧାନସଭା ଅଧିବେଶନ ଡାକିବାକୁ ନିଷ୍ପତ୍ତି ନିଆଯାଇଛି । ଅନ୍ୟପକ୍ଷରେ ଅରବିନ୍ଦ କେଜ୍ରିୱାଲଙ୍କ ଗିରଫଦାରୀକୁ ବିରୋଧୀ ଦଳର ଅନେକ ନେତା ମଧ୍ୟ ଦୃଢ ନିନ୍ଦା କରିଛନ୍ତି । ରାହୁଲ ଗାନ୍ଧୀ କହିଛନ୍ତି ଯେ, କେଜ୍ରିୱାଲଙ୍କ ଗିରଫଦାରୀ ବିରୋଧରେ ‘ଭାରତ’ ଏକଜୁଟ ହୋଇଛି। ଏଥି ସହିତ, ଦିଲ୍ଲୀ ସିଏମ ଅରବିନ୍ଦ କେଜ୍ରିୱାଲଙ୍କ ଗିରଫଦାରୀ ଉପରେ ପଞ୍ଜାବର ମୁଖ୍ୟମନ୍ତ୍ରୀ ଭଗବନ୍ତ ମନ କହିଛନ୍ତି ଯେ, କେଜ୍ରିୱାଲଙ୍କ ଚିନ୍ତାଧାରାକୁ କେହି ବନ୍ଦୀ କରି ପାରିବେ ନାହିଁ।
[ad_2]
