[ad_1]
ଭୁବନେଶ୍ୱର: ଅକ୍ଟୋବର ୧୪ରେ ଟ୍ରେନ୍ ଯାତ୍ରୀଙ୍କୁ ନିଶା ଦେଇ ଲୁଟ୍ କରୁଥିବା ଗ୍ୟାଙ୍ଗର ମାଷ୍ଟର ମାଇଣ୍ଡ ସରିଫା ଖାତୁନ ଓରଫ ମୁସ୍କାନକୁ ଗିରଫ କରାଯାଇଛି। ଏହା ପରଠାରୁ ମୁସ୍କାନର ବିଭିନ୍ନ ଗୁମର ଫିଟିବାରେ ଲାଗିଛି। ଏହାରି ଭିତରେ ମୁସ୍କାନର ଭବ୍ୟ ଜୀବନଶୈଳୀର ଅନେକ ଭିଡିଓ ସାମ୍ନାକୁ ଆସିଛି।
ଗୋଟିଏ ଭିଡିଓ ଏବେ ସାମାଜିକ ଗଣମାଧ୍ୟମରେ ଭାଇରାଲ ହେଉଛି ଯେଉଁଥିରେ ସେ ନିଜର ତିନି ଜଣ ପୁରୁଷ ସହଯୋଗୀଙ୍କ ସହ ଭୁବନେଶ୍ୱରର ଏକ ଡ୍ୟାନ୍ସ ବାରରେ ଥିବା ଦେଖିବାକୁ ମିଳିଛି। ସୂଚନା ମୁତାବକ, ଏହି ଗ୍ୟାଙ୍ଗ ଡ୍ୟାନ୍ସ ବାର ଓ ହୋଟେଲରେ ଲୁଟ୍ କରୁଥିଲେ। ଆଉ ଖାସ କରି ସେହି ଲୋକଙ୍କଠୁ ଲୁଟୁଥିବେ ଯେଉଁମାନେ ବଡବଡିଆ ହୋଇଥିବେ।
ମୁସ୍କାନ ଓ ତା’ର ସହଯୋଗୀମାନେ ସନ୍ଧ୍ୟାରେ ଡ୍ୟାନ୍ସ ବାରକୁ ଆସି ମଦ ଓ ଖାଦ୍ୟ ଖାଇ ମଧ୍ୟରାତ୍ରି ଯାଏ ଉପଭୋଗ କରୁଥିଲେ। ମଧ୍ୟରାତ୍ରି ପରେ ସେମାନେ ଡ୍ୟାନ୍ସ ବାରରୁ ବାହାରି ରେଳ ଷ୍ଟେସନ ଆଡ଼କୁ ଯାଇ ସେମାନଙ୍କ ଡକାୟତି ଯୋଜନାକୁ ସଫଳ କରିଥାନ୍ତି। ମୁସ୍କାନ ଷ୍ଟେସନରୁ ବାହାରକୁ ଆସୁଥିବା ଯାତ୍ରୀମାନଙ୍କୁ ପ୍ରଲୋଭିତ କରୁଥିବାବେଳେ ତାର ଜଣେ ସହଯୋଗୀ ଅଟୋରିକ୍ସା ଚାଳକ ଭାବରେ କାମ କରିବ ଏବଂ ଅନ୍ୟ ସଦସ୍ୟମାନେ ଅନ୍ଧାରରେ ଲୁଚି ରହୁଥିଲେ ବୋଲି କୁହାଯାଉଛି। ପରଦିନ ସେମାନେ ପୁଣି ଡ୍ୟାନ୍ସ ବାରରେ ସମାନ କାମ କରୁଥିଲେ ଯାହାକି ନିତିଦିନିଆ ହୋଇଯାଇଥିଲା। ଅକ୍ଟୋବର ୧୫ରେ ମୁସ୍କାନ ଗ୍ୟାଙ୍ଗର ଆଉ ଜଣେ ପ୍ରମୁଖ ସହଯୋଗୀକୁ ଗିରଫ କରିଥିଲା କମିଶନରେଟ୍ ପୋଲିସ।
କହିବାକୁ ଗଲେ ମୁସ୍କାନ ଓ ତାଙ୍କ ଗ୍ୟାଙ୍ଗ ଟ୍ରେନ ଯାତ୍ରୀଙ୍କୁ ଲୁଟ୍ କରିବା ସହ ଚୋରି ହୋଇଥିବା ଟଙ୍କାକୁ ବ୍ୟବହାର କରି ଏକ ଭବ୍ୟ ଜୀବନଶୈଳୀରେ ବଞ୍ଚୁଥିଲେ। ସେମାନେ ବାରମ୍ବାର ଡ୍ୟାନ୍ସ ବାର ଓ ହୋଟେଲରେ ଡ୍ୟାନ୍ସ କରୁଥିଲେ ଏବଂ ସେମାନଙ୍କ ନିତିଦିନିଆ ରୁଟିନରେ ମଦ ପିଇବା, ଖାଇବା ଓ ନାଚିବା ସାମିଲ ଥିଲା।
[ad_2]
