ଭୁବନେଶ୍ୱର ବାୟୁ ମଣ୍ଡଳର ଗୁଣବତ୍ତା ରକ୍ଷା କରିବା ପାଇଁ ବିଏମ୍ ସି ପକ୍ଷରୁ ପରିବେଶ ପ୍ରଦୂଷଣ ନିୟନ୍ତ୍ରଣ ବୋର୍ଡ ନିୟମ ଅନୁଯାୟୀ ନିମ୍ନ ଲିଖିତ ପଦକ୍ଷେପମାନ ନିଆଯାଇଛି ।
ଲିଙ୍ଗରାଜ ମନ୍ଦିର ଅଂଚଳରେ ଦୈନିକ ପାଣି ସିଞ୍ଚନ ପାଇଁ ଭୁବନେଶ୍ୱର ମହାନଗର ନିଗମ ପକ୍ଷରୁ ନିର୍ଦେଶ ଦିଆଯାଇଛି । ଖାସ୍ କରି ମାର୍କେଟ ଅଂଚଳରେ 3ରୁ 4 ଘଣ୍ଟା ଏକ ସ୍ୱତନ୍ତ୍ର ଗାଡିରେ ପାଣି ସିଞ୍ଚନ କରିବାକୁ ନିର୍ଦେଶ ଦିଆଯାଇଛି ।
ବିଏମ୍ ସି ଅଂଚଳରେ ଥିବା କେବଳ ଧର୍ମାନୁଷ୍ଠାନଗୁଡିକୁ ଛାଡି, ହୋଟେଲ, ଢାବା, ବିଦ୍ୟାଳୟ, କଲ୍ୟାଣ ମଣ୍ଡପ ଏବଂ ପିକନିକ୍ ସ୍ଥଳଗୁଡିକରେ ଯେପରି କୋଇଲା କିମ୍ବା କାଠ ଚୂଲା ବ୍ୟବହାର ନ କରନ୍ତି, ସେଥିପ୍ରତି ସତର୍କ ନିଜର ରଖିବାକୁ କୁହାଯାଇଛି । କାଠ କିମ୍ବା କୋଇଲା ଚୂଲା ବ୍ୟବହାର କଲେ, ସଂପୃକ୍ତ ସଂସ୍ଥାଗୁଡିକୁ ବନ୍ଦ କରିଦିଆଯିବ ।
ବସ୍ ଡିପୋ, ଷ୍ଟାଣ୍ଡ ଓ ରହଣିସ୍ଥଳଗୁଡିକରେ କ୍ରୁଟ୍ ପାଣି ସିଞ୍ଚନ କରିବା ସହ ବସଗୁଡିକୁ ଦୈନିକ ଧୋଇବା ପାଇଁ ନିର୍ଦେଶ ଦିଆଯାଇଛି ।
ଖୋଲା ସ୍ଥାନରେ କେହି ବର୍ଜ୍ୟରେ ନିଆଁ ଜାଳିଲେ ସେମାନଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିବା ପାଇଁ ମଧ୍ୟ ନିର୍ଦେଶ ଦିଆଯାଇଛି ।
ମଧ୍ୟାହ୍ନ ଭୋଜନରେ କାଠ ବଦଳରେ ଗ୍ୟାସ୍ ବ୍ୟବହାର କରିବା ପାଇଁ ସିଟି ଏଜୁକେସନ ଅଧିକାରୀଙ୍କୁ ନିର୍ଦେଶ ଦିଆଯାଇଛି ।
ବଣ ଭୋଜି ସ୍ଥାନଗୁଡିକରେ ଯେପରି କେହି କାଠ କିମ୍ବା କୋଇଲା ଚୂଲା ବ୍ୟବହାହର ନ କରନ୍ତି, ସେ ସଂପର୍କରେ ଜନ ସଚେତନତା ସୃଷ୍ଟି କରିବା ସହ ସେଥିପ୍ରତି ମଧ୍ୟ ଦୃଷ୍ଟି ଦେବାକୁ କୁହାଯାଇଛି ।
ଇଡକୋ ରାସ୍ତାରେ ନିୟମିତ ପାଣି ସିଞ୍ଚନ କରିବା ସହ ଧୁଳି ଉଡୁଥିବା ରାସ୍ତାଗୁଡିକୁ ତୁରନ୍ତ ନିର୍ମାଣ କରିବା ପାଇଁ ନିର୍ଦେଶ ଦିଆଯାଇଛି ।
ବଡ ବିଲଡିଂ ପ୍ଲାନ ଅନୁମୋଦନ ସମୟରେ ପ୍ରଦୂଷଣ ନିୟନ୍ତ୍ରଣ ପାଇଁ ସ୍ୱତନ୍ତ୍ର ବ୍ୟବସ୍ଥା ପ୍ରତି ଧ୍ୟାନ ଦେବାକୁ ପ୍ଲାନିଂ ଉପବିଭାଗକୁ କଡାକଡି ନିର୍ଦେଶ ଦିଆଯାଇଛି ।
ଗୃହ ଭଗ୍ନାବଶେଷ ପରିବହନ ପାଇଁ ନିୟୋଜିକ ଗାଡିକୁ ଭଲଭାବେ ଘୋଡାଇ ନେବାକୁ କୁହାଯାଇଛି।
ନିର୍ମାଣ କ୍ଷେତ୍ରକୁ ପ୍ରବେଶ କିମ୍ବା ପ୍ରସ୍ଥାନ କରିବା ପୂର୍ବରୁ ବଡଗାଡିଗୁଡିକୁ ଭଲ ଭାବେ ଧୋଇବା ପାଇଁ ନିର୍ଦେଶ ଦିଆଯାଇଛି ।
ନିର୍ମାଣାଧିନ ସ୍ଥାନକୁ ଭଲ ଭାବେ ଘୋଡାଇ ରଖିବା ଦରକାର, ଯାହା ଫଳରେ ସେ ଭିତରୁ ଧୂଳି ଯେପରି ବାୟୁମଣ୍ଡଳକୁ ଯାଇ ନପାରେ ସେଥିପ୍ରତି ଦୃଷ୍ଟି ଦେବାକୁ କୁହାଯାଇଛି । ଏହି ନିୟମର ଉଲ୍ଲଘଂନ କଲେ, ତାଙ୍କର ପ୍ଲାନ ଅନୁମୋଦନ ବାତିଲ କରାଯିବ ବୋଲି କୁହାଯାଇଛି ।
