ବର୍ତ୍ତମାନ ସମୟରେ ଇଲେକ୍ଟ୍ରିକ୍ କାରର ଡିମାଣ୍ଡ ଦ୍ରୁତ ଗତିରେ ବଢ଼ିବାରେ ଲାଗିଛି । ବଡ଼ ବଡ଼ ଅଟୋମୋବାଇଲ୍ କମ୍ପାନୀମାନେ ନୂଆ ଇଲେକ୍ଟ୍ରିକ୍ କାର ଲଞ୍ଚ କରୁଛନ୍ତି । କିନ୍ତୁ କେରଳର ଜଣେ ବ୍ୟକ୍ତି ଏମିତି କିଛି କରିଦେଖାଇଛନ୍ତି, ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି । ସେ କୌଣସି କମ୍ପାନୀର କାର କିଣିବା ପରିବର୍ତ୍ତେ ନିଜ ଆବଶ୍ୟକତା ଅନୁଯାୟୀ ନିଜେ ଏକ ଛୋଟ ଇଲେକ୍ଟ୍ରିକ୍ କାର ତିଆରି କରିଛନ୍ତି । ଏହି କାର କେବଳ ରାସ୍ତାରେ ଚାଲୁନାହିଁ ବରଂ ସେ ପ୍ରତିଦିନ ନିଜ କାର୍ଯ୍ୟସ୍ଥଳକୁ ଯିବା ଆସିବା ପାଇଁ ମଧ୍ୟ ଏହାକୁ ବ୍ୟବହାର କରୁଛନ୍ତି ।
ପେଟ୍ରୋଲ୍ ଓ ଡିଜେଲ୍ ଦର ବୃଦ୍ଧି ସହିତ ଇଲେକ୍ଟ୍ରିକ୍ କାରର ଅଧିକ ମୂଲ୍ୟକୁ ଦୃଷ୍ଟିରେ ରଖି ସେ ନିଜେ ଏକ ଛୋଟ ଇଲେକ୍ଟ୍ରିକ୍ କାର ତିଆରି କରିବାକୁ ନିଷ୍ପତ୍ତି ନେଇଥିଲେ । ଏହି କାରଟି ସାଧାରଣ କାର ତୁଳନାରେ ଆକାରରେ ବହୁତ ଛୋଟ । ପ୍ରଥମ ଏହାକୁ ଦେଖିଲେ ଏକ ମିନି କାର କିମ୍ବା ଗଲ୍ଫ କାର୍ଟ ଭଳି ଲାଗେ । ତେବେ ଆକାରରେ ଛୋଟ ହୋଇଥିଲେ ମଧ୍ୟ ଚାଳକଙ୍କ ପାଇଁ ଆବଶ୍ୟକ ସମସ୍ତ ସୁବିଧା ଏଥିରେ ରହିଛି । କାରରେ ସିଟ୍, ଷ୍ଟିୟରିଂ, ଇଲେକ୍ଟ୍ରିକ୍ ମୋଟର, ବ୍ୟାଟେରି ପ୍ୟାକ୍ ଏବଂ ବେସିକ୍ କଣ୍ଟ୍ରୋଲ୍ ସିଷ୍ଟମ୍ ଲଗାଯାଇଛି । ଏହାର ଡିଜାଇନ୍ ଲଗ୍ଜରି କିମ୍ବା ଷ୍ଟାଇଲ୍କୁ ନୁହେଁ ବରଂ ୟୁଜର୍ସଙ୍କ ଦୈନନ୍ଦିନ ଆବଶ୍ୟକତା ଓ ସୁବିଧାକୁ ଧ୍ୟାନରେ ରଖି ପ୍ରସ୍ତୁତ କରାଯାଇଛି ।
ଏହି DIY (ଡୁ ଇଟ୍ ୟୋରସେଲ୍ଫ) ଇଲେକ୍ଟ୍ରିକ୍ କାରର ସବୁଠାରୁ ବଡ଼ ବିଶେଷତା ହେଉଛି ଏହାର କମ୍ ଖର୍ଚ୍ଚ । ବଜାରରେ ଉପଲବ୍ଧ ନୂଆ ଇଲେକ୍ଟ୍ରିକ୍ କାରଗୁଡ଼ିକର ଦାମ ଲକ୍ଷାଧିକ ଟଙ୍କା ହୋଇଥିବାବେଳେ, ଏହି ବ୍ୟକ୍ତି ଅତ୍ୟନ୍ତ କମ୍ ଖର୍ଚ୍ଚରେ ନିଜର କାର ତିଆରି କରିଛନ୍ତି । ଏହା ସହିତ କାରକୁ ଚାର୍ଜ କରିବାର ଖର୍ଚ୍ଚ ମଧ୍ୟ ବହୁତ କମ୍, ଯାହା ଫଳରେ ଦୈନନ୍ଦିନ ଯାତ୍ରାର ଖର୍ଚ୍ଚ ମଧ୍ୟ କମିଯିବ । ଯଦି ଆପଣ ୬୦ କିଲୋମିଟର ଯାତ୍ରା କରନ୍ତି, ତେବେ ଏଥିପାଇଁ ମାତ୍ର ୫ ଟଙ୍କା ଖର୍ଚ୍ଚ ହେବ ।
କାରରେ ବ୍ୟବହୃତ ଇଲେକ୍ଟ୍ରିକ୍ ମୋଟର ଓ ବ୍ୟାଟେରି ସିଷ୍ଟମ୍ ଏହାକୁ କମ୍ ଦୂରତାର ଯାତ୍ରା ପାଇଁ ଉପଯୁକ୍ତ ହେବ । ଏହାର ବ୍ୟବହାର ଘରରୁ ଅଫିସ୍ ଯିବା ଓ ଫେରିବା ପାଇଁ କରାଯିବ, ତେଣୁ ଏଥିରେ ଅତ୍ୟଧିକ ଗତି କିମ୍ବା ଦୀର୍ଘ ରେଞ୍ଜର ଆବଶ୍ୟକତା ନାହିଁ । ଏହି କାରଣରୁ କାରଟିକୁ ସରଳ ଭାବେ ପ୍ରସ୍ତୁତ କରାଯାଇଛି । ଏହା ସ୍ଥାନୀୟ ରାସ୍ତାରେ ସହଜରେ ଚଳାଚଳ କରିପାରେ ଏବଂ ଦୈନନ୍ଦିନ ଯାତ୍ରାକୁ ଅଧିକ ସୁବିଧାଜନକ କରିଥାଏ ।
