ବଳି ନୁହେଁ, ଫଳମୂଳରେ ସନ୍ତୁଷ୍ଟ ହୁଅନ୍ତି ଦେବୀ!

ନୂଆପଡା:-
ନୂଆପଡା ଜିଲ୍ଲା କୋମନା ବ୍ଲକ ଅନ୍ତର୍ଗତ ସୁନାବେଡା ଅଭୟାରଣ୍ୟ ରେ ଆଦିମ ଜନଜାତି ଚାକୋଟିଆ ଭୁଜିଆ ବସବାସ କରନ୍ତି। ୧୦ ଭାଇଙ୍କ ଅଧିଷ୍ଠାତ୍ରୀ ଦେବୀ ମାଁ ସୁନାଦେଇ ପୂଜା ପାଉଥିବା ବେଳେ ପ୍ରତ୍ୟେକ ସ୍ଥାନରେ ବଳି ପ୍ରଥା ରହିଥାଏ। ସୁନାଦେଇଙ୍କ ମାଟି ରକ୍ତ ରଞ୍ଜିତ ହୋଇଥାଏ। କିନ୍ତୁ ଚାକୋଟିଆ ଭୁଞ୍ଜିଆ ଜନଜାତିଙ୍କ ଦିଶୋରି ବଂଶଜ ଅଧିଷ୍ଠାତ୍ରୀ ଦେବୀ ମାଁ ସୂରଜ ସୋନିଆ ଏକ ଶାକାହାରୀ ଦେବୀ ରୂପେ ପରିଚିତ। ଦିଶୋରି ବଂଶ ରେ ପୋର୍ଟ୍ଟା ଟୁରା ନାମକ ଯୁବକଙ୍କୁ ଦେବୀ ସୂରଜ ସୋନିଆ ଙ୍କୁ ବିବାହ କରିଥିଲେ। ଦେବୀ ସୂରଜ ସୋନିଆ ଫଳ ମୂଳ ରେ ଶାନ୍ତି ହୋଇଥାନ୍ତି। ୧୨ ଶହ ବୋକା ଖାଇବାକୁ ଦାବୀ କରିଥିଲେ।କିନ୍ତୁ ଦିଶୋରି ବଂଶଜ ଦେବୀ ଙ୍କୁ ୧୨ ଶବ ବିଭିନ୍ନ ଫଳ ଦେଇ ଶାନ୍ତି କରିଥିଲେ। ଏହି ଦିଶୋରି ବଂଶ ଅଧିବାସୀ ମାନେ ଯୁଗ ଯୁଗ ଧରି ପୂଜା କରିଆସୁଛନ୍ତି। ଏହି ଦେବୀ ଆଶ୍ୱିନ ମାସ ପବିତ୍ର ବିଜୟା ଦଶମୀ ରେ ପୂଜା ପାଇଥାନ୍ତି। ମନ୍ଦିର ପରିସର ରେ ମାଟି ପତ୍ର ରହିଅଛି। ମାଟି ପାତ୍ର ରେ ଚାଉଳ ରଖିଥିଲେ ଉଛଲି ଯିବା ଦୃଢ ବିଶ୍ୱାସ ରହିଛି। ଦେବୀଙ୍କ ଦର୍ଶନ ବିନା ସୁନାଦେଇ ଦର୍ଶନ ପୂର୍ଣ୍ଣ ହୋଇନଥାଏ। ତେଣୁ ପବିତ୍ର ବିଜୟା ଦଶମୀ ରେ ସୂରଜ ସୋନିଆ ଦେବୀକୁ ପୂଜା କରି ସୁନଦେଇ ଦର୍ଶନ କରିଥାନ୍ତି।ଆଦିବାସୀ ଙ୍କ ଶାକାହାରୀ ଦେବୀ ମାଁ ସୂରଜ ସୋନିଆ ବିଷୟରେ ପ୍ରଥମ ରହସ୍ୟ ଉନ୍ମୋଚିତ ହୋଇଅଛି।