[ad_1]
ଢେଙ୍କାନାଳ: ଦଶହରା ଛୁଟି ହେଲା କାଳ। ସ୍ୱାମୀଙ୍କ ଆଗରେ ସ୍ତ୍ରୀଙ୍କୁ ଗଣଦୁଷ୍କର୍ମ ଅଭିଯୋଗ। ଏପରି ଅଭାବନୀୟ ଘଟଣା ଘଟିଛି ଭୁବନ ଥାନା ଅନ୍ତର୍ଗତ ବାରୁଆଁ ଗ୍ରାମରେ। ସୂଚନା ଅନୁସାରେ ସନ୍ଧ୍ୟା ସମୟରେ ପୀଡ଼ିତା ଜଣକ ସ୍ୱାମୀଙ୍କ ସହ ବାଇକ ଯୋଗେ ଦଶହରା ଛୁଟିରେ ଘରକୁ ଫେରୁଥିଲେ। ଏହି ସମୟରେ ବରୁଆଁ ନିକଟରେ ୫ ଜଣ ଦୁର୍ବୃତ୍ତ ଗାଡ଼ି ଅଟକାଇ ସ୍ବାମୀଙ୍କୁ ପିଟିଥିଲେ। ମହିଳା ଜଣଙ୍କ ଢେଙ୍କାନାଳରେ ରହି ପାଠ ପଢୁଥିଲେ।
ଦଶହରା ଛୁଟି ପାଇ କଲରିଙ୍ଗଅତା ଗାଁର ଦମ୍ପତ୍ତି ବାଇକ ଯୋଗେ ଭୁବନରୁ ଘରକୁ ଫେରୁଥିବା ବେଳେ କେନାଲ ନିକଟରେ ୫ ଜଣ ଯୁବକ ତାଙ୍କୁ ଅଟକାଇଥିଲେ। ପ୍ରଥମେ ସ୍ୱାମୀଙ୍କୁ ମାଡ଼ ମାରିଥିଲେ। ପରେ ସ୍ୱାମୀଙ୍କ ଆଗରେ ମହିଳା ଜଣଙ୍କୁ କାଜୁ ଜଙ୍ଗଲକୁ ଟେକି ନେଇଥିଲେ। ଉକ୍ତ କାଜୁ ଜଙ୍ଗଲରେ ମହିଳାଙ୍କୁ ଗଣଦୁଷ୍କର୍ମ କରିଥିବା ଅଭିଯୋଗ ହୋଇଛି। ଏହି ସହ ଦମ୍ପତିଙ୍କଠାରୁ ମୋବାଇଲ ଏବଂ ଟଙ୍କା ଛଡାଇ ନେଇ ମାଡ ମାରିଥିଲେ।
ଏନେଇ ଭୂବନ ଥାନାରେ ଲିଖିତ ଅଭିଯୋଗ ହୋଇଥିଲା। ପୋଲିସ ଗତକାଲି ଢେଙ୍କାନାଳ ମେଡିକାଲରେ ଡାକ୍ତରି ମାଇନା କରିଥିଲା। ଥାନାରେ ଏତଲା ପରେ ୨ ଜଣଙ୍କୁ ଅଟକ ରଖାଯାଇଥିବା ଏସ୍ପି ସୂଚନା ଦେଇଛନ୍ତି। ବାକି ୩ ଜଣଙ୍କୁ ଧରିବାକୁ ଉଦ୍ୟମ ଜାରି ରହିଛି ବୋଲି ଢେଙ୍କାନାଳ ଏସପି ଜ୍ଞାନରଞ୍ଜନ ମହାପାତ୍ର ସୂଚନା ଦେଇଛନ୍ତି ।
[ad_2]
