ଦ୍ବିତୀୟ ସେମିଫାଇନାଲରେ ଜିତିଲା ଅଷ୍ଟ୍ରେଲିଆ, ୨୦ ବର୍ଷ ପରେ ଫାଇନାଲରେ ସାମ୍ନା କରିବ ଭାରତକୁ – Sahana Mela

କୋଲକାତା: ଅଷ୍ଟ୍ରେଲିଆ ଏବଂ ଦକ୍ଷିଣ ଆଫ୍ରିକା ମଧ୍ୟରେ ଚାଲିଥିବା ବିଶ୍ୱକପର ଦ୍ୱିତୀୟ ସେମିଫାଇନାଲ ମ୍ୟାଚ୍ ଗୁରୁବାର କୋଲକାତାର ଇଡେନ୍ ଗାର୍ଡେନ୍ସରେ ଖେଳାଯାଇଥିଲା । ଏହି ମ୍ୟାଚରେ କଙ୍ଗାରୁ ଦଳ ଦକ୍ଷିଣ ଆଫ୍ରିକାକୁ ୩ ୱିକେଟରେ ପରାସ୍ତ କରି ଜିତିଛି। ଯଦିଓ ଅଷ୍ଟ୍ରେଲିଆ ଏହି ମ୍ୟାଚକୁ ସହଜରେ ଜିତିପାରିନି ତଥାପି ଦଳ ଫାଇନାଲରେ ପ୍ରବେଶ କରିଛି।

ଏବେ ଇତିହାସରେ ଅଷ୍ଟମ ଥର ପାଇଁ ଅଷ୍ଟ୍ରେଲିଆ ଦଳ ବିଶ୍ୱକପରେ ଫାଇନାଲରେ ପ୍ରବେଶ କରିଛି। ଏଥିସହ ୨୦ ବର୍ଷ ପରେ ଫାଇନାଲରେ ଭାରତକୁ କରିବ ଅଷ୍ଟ୍ରେଲିଆ ଦଳ। ଅନ୍ତିମ ଥର ୨୦୦୩ରେ ଉଭୟ ଦଳ ମୁହାଁମୁହିଁ ହୋଇଥିଲେ ଫାଇନାଲରେ। ଆଉ କଙ୍ଗାରୁ ଦଳ ମ୍ୟାଚ ବିଜୟୀ ହୋଇଥିଲା।

ଏହାପୂର୍ବରୁ ଦଳ ମୋଟ ସାତଥର ଫାଇନାଲ ଖେଳିଥିଲା, ସେଥିମଧ୍ୟରୁ ପାଞ୍ଚ ଥର ଟାଇଟଲ ଜିତିଛି। ଏହି ମ୍ୟାଚରେ ଦକ୍ଷିଣ ଆଫ୍ରିକା ଦଳ ୨୧୨ ରନ୍ କରିବାରେ ସକ୍ଷମ ହୋଇଥିଲା। ଏହାର ଜବାବରେ ଅଷ୍ଟ୍ରେଲିଆ ୪୭.୨ ଓଭରରେ ୭ ୱିକେଟ୍ ହରାଇ ଲକ୍ଷ୍ୟ ହାସଲ କରିଥିଲା।

ଏହି ବିଶ୍ୱକପ୍‌ରେ ଅଷ୍ଟ୍ରେଲିଆର କ୍ରମାଗତ ଅଷ୍ଟମ ବିଜୟ ଥିଲା। ଟସ୍ ଜିତିବା ପରେ ପ୍ରଥମେ ଖେଳିବାକୁ ଆସିଥିବା ଦକ୍ଷିଣ ଆଫ୍ରିକା ଦଳ ଖରାପ ବ୍ୟାଟିଂ କରିଥିଲା। ଡେଭିଡ ମିଲର ୧୦୧ ରନ ସଂଗ୍ରହ କରି ହେନ୍ରିଚ କ୍ଲାସେନ ୪୭ ରନ କରିଥିଲେ। ଏହା ବ୍ୟତୀତ କୌଣସି ବ୍ୟାଟର ବିଶେଷ କିଛି କରିପାରି ନଥିଲେ।

ଅଷ୍ଟ୍ରେଲିଆ ପାଇଁ ପ୍ୟାଟ୍ କମିନ୍ସ ଏବଂ ମିଚେଲ ଷ୍ଟାର୍କ ୩ଟି ଲେଖାଏଁ ୱିକେଟ୍ ନେଇଥିଲେ। ଜୋସ୍ ହାଜଲେଉଡ୍ ଏବଂ ଟ୍ରାଭିସ୍ ହେଡ୍ ମଧ୍ୟ ୨ଟି ଲେଖାଏଁ ସଫଳତା ପାଇଛନ୍ତି। ଏହାର ଜବାବରେ ଟ୍ରାଭିସ୍ ହେଡ୍ ଏବଂ ଡେଭିଡ୍ ୱାର୍ଣ୍ଣର ଏକ ଦମଦାର ପ୍ରଦର୍ଶନ ଆରମ୍ଭ କରିଥିଲେ।

ଅବଶ୍ୟ, ମ୍ୟାଚ୍ ଏକ ରୋମାଞ୍ଚକର ମୋଡ଼ରେ ପହଞ୍ଚିଥିଲା ​​କିନ୍ତୁ ତା’ପରେ କମିନ୍ସ କ୍ରିଜରେ ଜମି ରହିଥିଲେ । ଯାହା ଦଳକୁ ଫାଇନାଲରେ ପ୍ରବେଶ କରାଇଛି।