[ad_1]
ମୁମ୍ବାଇ: ରଣବୀର କାପୁର, ଅନୀଲ କାପୁର ଓ ବବି ଦେଓଲ ଅଭିନୀତ ଆନିମଲ ଫିଲ୍ମ ଡିସେମ୍ବର ୧ରେ ରିଲିଜ ହେବ । ରିପୋର୍ଟ ମୁତାବକ ଏହାର ଆଡଭାନ୍ସ ବୁକିଂ ବେଶ ପ୍ରଶଂସନୀୟ ରହିଛି । ଏ ପର୍ଯ୍ୟନ୍ତ ୫ ଲକ୍ଷରୁ ଅଧିକ ଟିକେଟ ବୁକ ହୋଇ ସାରିଛି । ଏପରିକି ଆନିମଲ ସଲମାନ ଖାଁଙ୍କ ଟାଇଗର ୩ ଓ ସନୀ ଦେଓଲଙ୍କ ଗଦର ୨ର ଓପିନଂ କଲେକ୍ସନକୁ ପଛରେ ପକାଇ ଦେଇପାରେ । ଆନିମଲ ପ୍ରଥମ ଦିନରେ ୧୦୦ କୋଟିର ଓପନିଂ କଲେକ୍ସନ କରିପାରେ ବୋଲି ସ୍ୟାକନିକରେ ରିପୋର୍ଟ ପ୍ରକାଶ ପାଇଛି । କେବଳ ହିନ୍ଦୀ ଭାଷାରେ ଏହା ୫୫ କୋଟି ଆୟ କରିପାରେ ବୋଲି ଆକଳନ କରାଯାଇଛି । ଅବଶ୍ୟ ଏହା ଯବାନ ଓ ପଠାନର ୱାର୍ଲ୍ଡ ୱାଇଡ କଲେକ୍ସନକୁ ଅତିକ୍ରମ କରିବ ନାହିଁ ବୋଲି ଉକ୍ତ ରିପୋର୍ଟରେ ଉଲ୍ଲେଖ ରହିଛି ।
ପଠାନ ୧୦୯ ଓ ଯବାନ ୧୨୯ କୋଟି ଟଙ୍କା ପ୍ରଥମ ଦିବସରେ କଲେକ୍ସନ କରିଥିଲେ । ଆନିମଲ ଆଡଭାନ୍ସ ବୁକିଂରେ ବ୍ରହ୍ମାସ୍ତ୍ର ଓ ଆଦିପୂରୁଷକୁ ପଛରେ ପକାଇ ସାରିଛି । ଫିଲ୍ମର ପ୍ରୋମୋ ଦର୍ଶକଙ୍କୁ ବେଶ ପସନ୍ଦ ଆସୁଛି । ରଣବୀର, ବବି ଓ ଅନୀଲଙ୍କ ବଳିଷ୍ଠ ଅଭିନୟ ଏହି ଫିଲ୍ମକୁ ବଡ ହିଟ କରିବ ବୋଲି ଆଶା କରାଯାଉଛି । ବାପା ଓ ପୁଅଙ୍କ ସମ୍ପର୍କକୁ ନେଇ ଏହି ଫିଲ୍ମ ନିର୍ମିତ ହୋଇଛି । ଏହାର ନିର୍ଦ୍ଦେଶନା ସନ୍ଦୀପ ରେଡ୍ଡୀ ବାଙ୍ଗା ଦେଇଛନ୍ତି ।
[ad_2]
