୩୦ ବର୍ଷର କଠିନ ପରିଶ୍ରମ: ଭାରତରେ ନିର୍ମିତ ମ୍ୟାଲେରିଆ ଭ୍ୟାକସିନକୁ ତାଲିକାଭୁକ୍ତ କଲା WHO – Sahana Mela
[ad_1]
ନୂଆଦିଲ୍ଲୀ: ମ୍ୟାଲେରିଆ ଏକ ରୋଗ ଯାହା ପ୍ରାୟ ପ୍ରତ୍ୟେକ ବିକାଶଶୀଳ ଦେଶରେ ବିପଦ ସୃଷ୍ଟି କରିଥାଏ । ସମ୍ପ୍ରତି ବୈଜ୍ଞାନିକମାନେ ମ୍ୟାଲେରିଆ ପାଇଁ ଏକ ନୂତନ ଟୀକା ତିଆରି କରିଛନ୍ତି, ଯାହା ବିଶ୍ୱ ସ୍ୱାସ୍ଥ୍ୟ ସଂଗଠନ(ଡବ୍ଲୁଏଚଓ) ଦ୍ୱାରା ଅନୁମୋଦିତ ହୋଇଛି ଏବଂ ଏହାକୁ ଟୀକା ତାଲିକାରେ ଅନ୍ତର୍ଭୁକ୍ତ କରାଯାଇଛି । ବିଶ୍ୱ ଚେଞ୍ଜର ଭାବେ ବିବେଚନା କରାଯାଉଥିବା ଏହି ଟୀକା, ସେରମ୍ ଇନଷ୍ଟିଚ୍ୟୁଟ୍ ଅଫ୍ ଇଣ୍ଡିଆରେ ତିଆରି ହୋଇଛି ଏବଂ ଏହି ଟୀକା ସଂପୂର୍ଣ୍ଣ ସଫଳତା ସହିତ ଡବ୍ଲୁଏଚଓ ର ୭୫ ଲକ୍ଷ୍ୟକୁ ପାର କରିଛି । ଏହି ଟୀକାକରଣର ନାମ ହେଉଛି R21/Matrix-M ଏବଂ ଏହା ସେରମ୍ ଇନଷ୍ଟିଚ୍ୟୁଟ୍ ଦ୍ୱାରା ପ୍ରସ୍ତୁତ ଏବଂ ଅକ୍ସଫୋର୍ଡ ବିଶ୍ୱବିଦ୍ୟାଳୟ ଦ୍ୱାରା ବିକଶିତ ହୋଇଛି ।
ତେବେ ଘାନା ହେଉଛି ପ୍ରଥମ ଦେଶ ଯେଉଁଠାରେ ଖାଦ୍ୟ ଏବଂ ଔଷଧ ପ୍ରାଧିକରଣ ଏହି ଟୀକାକୁ 5 ରୁ 36 ମାସ ବୟସର ପିଲାମାନଙ୍କ ବ୍ୟବହାର ପାଇଁ ଅନୁମୋଦନ କରିଛନ୍ତି । ଯଦି ଦେଖାଯାଏ, ଏହି ବୟସର ଅଧିକାଂଶ ପିଲା ମ୍ୟାଲେରିଆ ଭଳି ରୋଗର ଶିକାର ହୁଅନ୍ତି ।
R21/Matrix-M ହେଉଛି ଦ୍ୱିତୀୟ ମ୍ୟାଲେରିଆ ଟୀକା ଯାହା ଡବ୍ଲୁଏଚଓ ଦ୍ବାରା ପୂର୍ବ ତାଲିକାରେ ଅନ୍ତର୍ଭୁକ୍ତ ହୋଇଛି । ପୂର୍ବ ଟୀକା ଗତ ବର୍ଷ ଅନୁମୋଦିତ ହୋଇଥିଲା । ଏହି ଟୀକା ଆସିବା ପରେ ଡାକ୍ତରୀ ଟିମ୍ ଆଶା ପ୍ରକଟ କରିଛନ୍ତି ଯେ, ଏହାର କମ୍ ମୂଲ୍ୟ ଏବଂ ସହଜ ଉପଲବ୍ଧତା ହେତୁ ଏହି ଟିକା ଅଧିକରୁ ଅଧିକ ଶିଶୁଙ୍କୁ ମ୍ୟାଲେରିଆରୁ ରକ୍ଷା କରିବାରେ ଏବଂ ସେମାନଙ୍କୁ ସୁରକ୍ଷା ଦେବାରେ ସଫଳ ହେବ ।
ଡବ୍ଲୁଏଚଓ ର ଟୀକାକରଣ ଏବଂ ବାୟୋ ବିଭାଗର ନିର୍ଦ୍ଦେଶକ ଡକ୍ଟର କେଟ୍ ଓ’ବ୍ରାଇନ ଙ୍କ ଅନୁଯାୟୀ, ‘R21 ଟୀକା ପ୍ରିକ୍ବାଲିଫିକେସ ପାସ୍ କରିଛି । ଏହା ଏକ ଆସ୍ବସ୍ତିକର ଖବର ଅଟେ । ଆଜି ସାରା ବିଶ୍ୱରେ ସ୍ୱାସ୍ଥ୍ୟ କ୍ଷେତ୍ରରେ ଅନେକ ଅଗ୍ରଗତି ହେଉଛି । ମ୍ୟାଲେରିଆ ବିପର୍ଯ୍ୟସ୍ତ ଦେଶରେ ପିଲାମାନଙ୍କୁ ଏହି ମାରାତ୍ମକ ରୋଗରୁ ରକ୍ଷା କରିବାକୁ ଏହି ସଂଗଠନ ପ୍ରତିବଦ୍ଧ । R21 ଟିକା ସମ୍ବନ୍ଧରେ ଡବ୍ଲୁଏଚଓ ପୁଙ୍ଖାନୁପୁଙ୍ଖ ଯାଞ୍ଚ କରିଛି ।
ତଥ୍ୟ ଅନୂଯାୟୀ, ନମୁନା ପରୀକ୍ଷା, ଅନୁସନ୍ଧାନ ଏବଂ ବିକାଶ ସହ ଜଡିତ ପ୍ରତ୍ୟେକ ପ୍ରସଙ୍ଗ ପୁଙ୍ଖାନୁପୁଙ୍ଖ ଅନୁସନ୍ଧାନ କରାଯାଇଛି । ଯେତେବେଳେ ଏହାର ଫଳାଫଳ ସଂପୂର୍ଣ୍ଣ ପଜିଟିଭ ଆସିଥିଲା ଏହାପରେ ଏହାକୁ ପ୍ରିକ୍ବାଲିଫାଏଡ ଟୀକା ତାଲିକାରେ ଅନ୍ତର୍ଭୁକ୍ତ କରାଯାଇଥିଲା । ଏହି ଟୀକା ବିକଶିତ କରିଥିବା ଅକ୍ସଫୋର୍ଡ ବିଶ୍ୱବିଦ୍ୟାଳୟର ବୈଜ୍ଞାନିକମାନେ ଏହାକୁ ତିଆରି କରିବାରେ ୩୦ ବର୍ଷ ଅତିବାହିତ କରିଛନ୍ତି ।
[ad_2]
