[ad_1]
ଭୋପାଳ: ଚଳିତ ବର୍ଷ ଶେଷରେ ମଧ୍ୟପ୍ରଦେଶରେ ବିଧାନସଭା ନିର୍ବାଚନ ଅନୁଷ୍ଠିତ ହେବାକୁ ଯାଉଛି। ଏହି ପରିପ୍ରେକ୍ଷୀରେ ବିଜେପି ଆଶୀର୍ବାଦ ଯାତ୍ରା ବାହାର କରୁଥିବା ବେଳେ କଂଗ୍ରେସ ୧୯ସେପ୍ଟେମ୍ବରରୁ ଜନ ଆକ୍ରୋଶ ଯାତ୍ରା ଆରମ୍ଭ କରିବାକୁ ଯାଉଛି। କିନ୍ତୁ ଏହି ସମୟ ମଧ୍ୟରେ କଂଗ୍ରେସର ନିର୍ବାଚନ ପୋଷ୍ଟରରୁ ପୂର୍ବତନ ସାଂସଦ ତଥା ମୁଖ୍ୟମନ୍ତ୍ରୀ ଦିଗବିଜୟ ସିଂଙ୍କ ଫଟୋ ନିଖୋଜ ହେବା ଚର୍ଚ୍ଚାର ବିଷୟ ପାଲଟିଛ।
ଉକ୍ତ ପୋଷ୍ଟର ଦିଗବିଜୟଙ୍କ ଫଟୋ ନଥିବାରୁ ମଧ୍ୟପ୍ରଦେଶ ରାଜନୀତିରେ ଉତ୍ତେଜନା ସୃଷ୍ଟି ହୋଇଛି। ଏହି ପୋଷ୍ଟରର ବିଶେଷତ୍ୱ ହେଉଛି ଏଥିରେ ପୂର୍ବତନ ମୁଖ୍ୟମନ୍ତ୍ରୀ ଦିଗବିଜୟ ସିଂଙ୍କ କୌଣସି ଫଟୋ ନାହିଁ। ରାଜନୈତିକ ବିଶେଷଜ୍ଞଙ୍କ ଅନୁଯାୟୀ କଂଗ୍ରେସର ନିର୍ବାଚନ ରଥ ଉପରେ ପୋଷ୍ଟରରେ ଦିଗବିଜୟଙ୍କ ଫଟୋ ଅନୁପସ୍ଥିତିର କାରଣ କଂଗ୍ରେସର ଏକ ସୁଚିନ୍ତିତ ରଣନୀତି ବୋଲି କୁହାଯାଉଛି।
ସୂଚନାଯୋଗ୍ୟ, ବିଧାନସଭା ନିର୍ବାଚନରେ ଜନସାଧାରଣଙ୍କୁ ଆକୃଷ୍ଟ କରିବାକୁ ବିଜେପି ଜନ ଆଶୀର୍ବାଦ ଯାତ୍ରା ବାହାର କରୁଥିବାବେଳେ କଂଗ୍ରେସ ମଧ୍ୟ ମଙ୍ଗଳବାରଠାରୁ ଜନ ଆକ୍ରୋଶ ଯାତ୍ରା ବାହାର କରିବାକୁ ଯାଉଛି। କଂଗ୍ରେସ ଏକକାଳୀନ ରାଜ୍ୟର ୭ଟି ସ୍ଥାନରୁ ଜନ ଆକ୍ରୋଶ ଯାତ୍ରା ବାହାର କରିବ। କଂଗ୍ରେସ ଦ୍ୱାରା ପ୍ରକାଶିତ ଜନ ଆକ୍ରୋଶ ଯାତ୍ରାର ପୋଷ୍ଟରରେ କମଲ ନାଥଙ୍କ ସହ ସମସ୍ତ ଭେଟେରାନ ନେତାଙ୍କ ଚେହେରା ରହିଛି। କିନ୍ତୁ ଭେଟେରାନ ନେତା ତଥା ପୂର୍ବତନ ମୁଖ୍ୟମନ୍ତ୍ରୀ ଦିଗବିଜୟ ସିଂ ପୋଷ୍ଟରରୁ ନିଖୋଜ ରହିଛି। ଏନେଇ ରାଜ୍ୟର ରାଜନୀତି ସରଗରମ ହୋଇଛି।
[ad_2]
