[ad_1]
ଚେନ୍ନାଇ; ବେଙ୍ଗାଲୁରୁରେ ଥିବା ରମେଶ୍ୱରମ୍ କାଫେ ବିସ୍ଫୋରଣର ତଦନ୍ତ ଜାତୀୟ ଅନୁସନ୍ଧାନ ଏଜେନ୍ସି (ଏନଆଇଏ) କୁ ହସ୍ତାନ୍ତର କରାଯାଇଛି। ରମେଶ୍ୱରମ୍ କାଫେ ବିସ୍ଫୋରଣ ମାମଲା ଏନଆଇଏ ତଦନ୍ତ କରିବ ବୋଲି ଗୃହ ମନ୍ତ୍ରଣାଳୟ ନିର୍ଦ୍ଦେଶ ଦେଇଛି। ଯିଏ ଏହି ମାମଲାରେ ଦୋଷୀ, ତାଙ୍କୁ ଧରି କୋର୍ଟରେ ହାଜର କରାଯିବ। ସିସିଟିଭି ଫୁଟେଜର ବେଙ୍ଗାଲୁରୁ ବିସ୍ଫୋରଣ ମାମଲାର ଅଭିଯୁକ୍ତକୁ ଦେଖିବାକୁ ମିଳିଥିଲା। ତାଙ୍କ ହାତରେ ଏକ ବ୍ୟାଗ ଥିଲା। ଏନଆଇଏ ତଦନ୍ତ କରି ଖୁବଶୀଘ୍ର ଅଭିଯୁକ୍ତକୁ ଗିରଫ କରିବା ଆବଶ୍ୟକ ବୋଲି କହିଛି ଗୃହ ମନ୍ତ୍ରଣାଳୟ ।
ସୂଚନାଯୋଗ୍ୟ ଯେ, ମାର୍ଚ୍ଚ ୧ ରେ ବେଙ୍ଗାଲୁରୁର ରମେଶ୍ୱରାମ୍ କାଫେରେ ଅପରାହ୍ନରେ ଏକ ବଡ ଧରଣର ବିସ୍ଫୋରଣ ଘଟିଥିଲା। ଏହି ଘଟଣାରେ କେହି ମୃତାହତ ହୋଇନଥିଲେ ମଧ୍ୟ ୧୦ ଜଣ ଆହତ ହୋଇଥିଲେ । ଏହା ପରେ ପୋଲିସ ଏବଂ FSL ଟିମ୍ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଥିଲେ । ତଦନ୍ତ ବେଳେ ସିସିଟିଭି ଯାଞ୍ଚ କରାଯାଇଥିଲା ଏବଂ ଜଣେ ଅଭିଯୁକ୍ତଙ୍କୁ ସିସିଟିଭିରେ ଦେଖିବାକୁ ମିଳିଥିଲା। ତାଙ୍କ କାନ୍ଧରେ ବିସ୍ଫୋରକ ଭର୍ତ୍ତି ଏକ ବ୍ୟାଗ ଥିବା ଦେଖିବାକୁ ମିଳିଥିଲା ।
ଫୁଟେଜରେ ସେ ଏକ ବ୍ୟାଗ ଧରି ରମେଶ୍ୱରମ୍ କାଫେରେ ପ୍ରବେଶ କରିଥିବା ଦେଖିବାକୁ ମିଳିଥିଲା । ସନ୍ଦିଗ୍ଧ ବ୍ୟକ୍ତିଜଣଙ୍କ କିଛି ଖାଦ୍ୟ ଅର୍ଡର ମଧ୍ୟ କରିଥିଲେ । ତା’ପରେ ଏକ ପ୍ଲେଟ ଧରି ଯାଉଥିବା ଦେଖିବାକୁ ମିଳିଥିଲା । ଏହା ପରେ ସନ୍ଦିଗ୍ଧ ବ୍ୟକ୍ତିଜଣଙ୍କ କାଫେରେ ଏକ କଳା ରଙ୍ଗର ବ୍ୟାଗ ଛାଡି ଚାଲିଯାଇଥିଲେ । ସେ ଯିବାର କିଛି ସମୟ ପରେ ସେଠାରେ ବିସ୍ଫୋରଣ ହୋଇଥିଲା ।
ବେଙ୍ଗାଲୁରୁ ବିସ୍ଫୋରଣ ମାମଲାକୁ ଏନଆଇଏକୁ ହସ୍ତାନ୍ତର କରାଯିବାର କାରଣ ମାଙ୍ଗାଲୁରୁ ବିସ୍ଫୋରଣ ସହିତ ସଂଯୋଗ ଥିବା କୁହାଯାଉଛି । କାରଣ କିଛିଦିନ ତଳେ ମାଙ୍ଗାଲୁରୁରେ ମଧ୍ୟ ଏପରି ଏକ ବିସ୍ଫୋରଣ ହୋଇଥିଲେ । ଉଭୟ ସ୍ଥାନରେ ବିସ୍ଫୋରଣ ପାଇଁ ସମାନ ବିସ୍ଫୋରକ ସାମଗ୍ରୀ ବ୍ୟବହୃତ ହୋଇଥିଲା | ବେଙ୍ଗାଲୁରୁ ମାମଲା ଆସିବା ପରେ ମାଙ୍ଗାଲୁରୁ ବିସ୍ଫୋରଣରେ ଗିରଫ ହୋଇଥିବା ଅଭିଯୁକ୍ତଙ୍କୁ ମଧ୍ୟ ପଚରାଉଚରା କରାଯିବ। ବର୍ତ୍ତମାନ ମାଙ୍ଗାଲୁରୁ ବିସ୍ଫୋରଣ ମୁଖ୍ୟ ଅଭିଯୁକ୍ତ ଶାରିକ୍ ଏବଂ ତାଙ୍କ ଗ୍ୟାଙ୍ଗ ବେଙ୍ଗାଲୁରୁ ଜେଲରେ ରହିଛନ୍ତି।
[ad_2]
