[ad_1]
ରାଜକୋଟ: ଆଜି ଖେଳାଯିବାକୁ ଥିବା ତୃତୀୟ ତଥା ଶେଷ ଦିନିକିଆରେ ଅଷ୍ଟ୍ରେଲିଆକୁ ହରାଇଲେ ଭାରତ ବିଶ୍ବକପ ପୂର୍ବରୁ ଏକ ଇତିହାସ ରଚିବ। ଏହା ପୂର୍ବରୁ କେବେ ବି ଦିନିକିଆ ଫର୍ମାଟରେ ଶକ୍ତିଶାଳୀ ଅଷ୍ଟ୍ରେଲିଆ ବିପକ୍ଷରେ ଭାରତକୁ ହ୍ୱାଇଟ୍ ଓ୍ୱାଶ କରିବାକୁ ଏଭଳି ସୁଯୋଗ ମିଳିନି। ତେଣୁ ଆଜିର ମ୍ୟାଚକୁ ଭାରତ ଗୁରୁତ୍ୱର ସହ ନେଇଛି ବୋଲି କୁହାଯାଉଛି।
ଆଉ କିଛି ଦିନ ପରେ ଆଇସିସି ବିଶ୍ୱକପ ମ୍ୟାଚ ଆରମ୍ଭ ହେବ। ଟିମ୍ ଇଣ୍ଡିଆ ବିଶ୍ବକପରେ ପ୍ରବେଶ କରିବା ପୂର୍ବରୁ ୫ ଥରର ବିଶ୍ବକପ ବିଜେତା ଟିମ୍ ଅଷ୍ଟ୍ରେଲିଆକୁ ୩-୦ରେ ହରାଇ ଗୋଟିଏ ବଡ଼ ବାର୍ତ୍ତା ଦେବାକୁ ପ୍ରୟାସ କରୁଛି।
ଉଲ୍ଲେଖଯୋଗ୍ୟ, ଭାରତ ବିପକ୍ଷରେ ଗୋଟିଏ ଶୃଙ୍ଖଳାରେ ଯେତେ ମ୍ୟାଚ୍ ଖେଳିଲେ ମଧ୍ୟ ଘରୋଇ ଓ ବିଦେଶରେ ଅଷ୍ଟ୍ରେଲିଆ ପାଇଁ ସମାନ ସ୍ଥିତି ରହିଛି। ଦିନିକିଆରେ ଏକ ନମ୍ବର ଦଳର ରାଙ୍କ ପାଇଥିବା ଭାରତୀୟ ଦଳ ଏହାର କିଛି ଶୀର୍ଷ ଖେଳାଳିଙ୍କୁ ଆଜିର ମ୍ୟାଚରେ ଯଦିଓ ବିଶ୍ରାମ ଦେଇଛି କିନ୍ତୁ ଲଗାତାର ତିନିଟି ଦିନିକିଆରେ ବିଜୟ ହାସଲ କରି ଏକ ସମ୍ମାନଜନକ ସ୍ଥିତିରେ ପହଞ୍ଚିବାକୁ ଉଦ୍ୟମ କରୁଛି।
ଯଦି ଭାରତ ଏହି ଶୃଙ୍ଖଳାରେ ୩-୦ରେ ବିଜୟ ହାସଲ କରେ, ତେବେ ଏହା କେବଳ ଏକ ଐତିହାସିକ ସଫଳତା ନୁହେଁ, ବରଂ ପାଞ୍ଚ ଥରର ବିଶ୍ୱ ବିଜେତା ଅଷ୍ଟ୍ରେଲିଆଠାରୁ ଯଥେଷ୍ଟ ଫାଇଦା ମଧ୍ୟ ଦେବ। ଆସନ୍ତା ଅକ୍ଟୋବର ୮ ତାରିଖରେ ଚେନ୍ନାଇରେ ହେବାକୁ ଥିବା ଏହି ଦୁଇ ଦଳ ବିଶ୍ବକପ୍ ଉଦଘାଟନୀ ମ୍ୟାଚ୍ ପାଇଁ ପୁଣି ଥରେ ମୁହାଁମୁହିଁ ହେବେ ଏବଂ ଭାରତର ସମ୍ଭାବ୍ୟ କ୍ଲିନ୍ ସୁଇପ୍ ନିଶ୍ଚିତ ଭାବେ ସେମାନଙ୍କୁ ମାନସିକ ସ୍ତରରେ ପ୍ରଭାବ ପକାଇବ। ପ୍ରଥମ ଦୁଇଟି ଦିନିକିଆ ମ୍ୟାଚରେ ଭାରତର ଆଧିପତ୍ୟ ଦେଖିବାକୁ ମିଳିଛି।
[ad_2]
