[ad_1]
ନୂଆଦିଲ୍ଲୀ: ରାଷ୍ଟ୍ରପତି ନିର୍ବାଚନ ଜିତିଛନ୍ତି ଋଷ ରାଷ୍ଟ୍ରପତି ଭ୍ଲାଦିମିର ପୁଟିନ । ନିର୍ବାଚନରେ ରେକର୍ଡ ବିଜୟ ସହ ପୁଟିନ ଇତିହାସ ରଚିଛନ୍ତି । ପୁଟିନଙ୍କୁ ମିଳିଛି ୮୮ ପ୍ରତିଶତ ଭୋଟ୍ । ତେବେ ବହୁ ବିରୋଧ ସତ୍ତ୍ୱେ ପୁଟିନଙ୍କୁ ପୁଣି ଥରେ ଜିତାଇଛନ୍ତି ମତଦାତା। ଲଗାତର ୫ମ ଥର ଭାବେ ପୁଟିନ ଋଷର ରାଷ୍ଟ୍ରପତି ଭାବରେ ନିର୍ବାଚିତ ହୋଇଛନ୍ତି ।
ହ୍ୱାଇଟ ହାଉସର ଜାତୀୟ ସୁରକ୍ଷା ପରିଷଦ ମୁଖପାତ୍ର କହିଛନ୍ତି ଯେ ପୁଟିନ ରାଜନୈତିକ ବିରୋଧୀଙ୍କୁ ଜେଲରେ ରଖିଛନ୍ତି ଏବଂ ଅନ୍ୟମାନଙ୍କୁ ତାଙ୍କ ବିରୁଦ୍ଧରେ ନିର୍ବାଚନ ଲଢ଼ିବାକୁ ବାରଣ କରିଥିବାରୁ ନିର୍ବାଚନ ସ୍ପଷ୍ଟ କିମ୍ବା ନିରପେକ୍ଷ ନୁହେଁ। ପୁଟିନ ୟୁକ୍ରେନ ଉପରେ ଆକ୍ରମଣ କରିବାକୁ ନିର୍ଦ୍ଦେଶ ଦେଇଛନ୍ତି। ଦ୍ୱିତୀୟ ବିଶ୍ୱଯୁଦ୍ଧ ପରଠାରୁ ମାରାତ୍ମକ ୟୁରୋପୀୟ ବିବାଦ ଯାହାକୁ ସେ ଏକ ସ୍ୱତନ୍ତ୍ର ସାମରିକ ଅପରେସନ୍ ବୋଲି ବର୍ଣ୍ଣନା କରିଥିଲେ । ସେପଟେ ନିର୍ବାଚନ ଜିତିବା ପରେ ସେ ପାଶ୍ଚାତ୍ୟ ଦେଶମାନଙ୍କୁ ଚେତାବନୀ ଦେଇଛନ୍ତି ।
ପୁଟିନ କହିଛନ୍ତି ଯେ, ଋଷ ଏବଂ ଆମେରିକାର ନେତୃତ୍ୱାଧୀନ ନାଟୋ ସାମରିକ ମିଳିତ ମଞ୍ଚ ମଧ୍ୟରେ ସିଧାସଳଖ ବିବାଦର ଅର୍ଥ ହେଉଛି ପୃଥିବୀ ତୃତୀୟ ବିଶ୍ୱଯୁଦ୍ଧଠାରୁ ଗୋଟିଏ ପାଦ ଦୂରରେ । କିନ୍ତୁ କୌଣସି ବ୍ୟକ୍ତି ଏପରି ପରିସ୍ଥିତି ଚାହାଁନ୍ତି ନାହିଁ ବୋଲି ସେ କହିଛନ୍ତି । ରିପୋର୍ଟ ଅନୁଯାୟୀ, ୧୯୬୨ ମସିହାରେ କ୍ୟୁବା ମିସାଇଲ୍ ସଙ୍କଟ ପରେ ୟୁକ୍ରେନ ଯୁଦ୍ଧ ପାଶ୍ଚାତ୍ୟ ଦେଶ ସହିତ ମସ୍କୋ ସମ୍ପର୍କ ମଧ୍ୟରେ ଗଭୀର ସଙ୍କଟ ସୃଷ୍ଟି କରିଛି । ଫ୍ରାନ୍ସର ରାଷ୍ଟ୍ରପତି ଇମାନୁଏଲ୍ ମାକ୍ରୋନ୍ ଗତ ମାସରେ କହିଥିଲେ ଯେ ଭବିଷ୍ୟତରେ ସେ ୟୁକ୍ରେନରେ ସୌନ୍ୟ ନିୟୋଜନକୁ ଏଡ଼ାଇ ପାରିବେ ନାହିଁ। ଅନେକ ପାଶ୍ଚାତ୍ୟ ଦେଶ ଏଥିରୁ ନିଜକୁ ଦୂରେଇ ରଖିଥିବାବେଳେ ପୂର୍ବ ୟୁରୋପରେ ଏହାକୁ ସମର୍ଥନ ମିଳଥିଲା ।
[ad_2]
