ନୂଆଦିଲ୍ଲୀ,୩୦/୦୯ : ଟେଲି ଇଣ୍ଡଷ୍ଟ୍ରିର ଲୋକପ୍ରିୟ ରିଆଲିଟି ଷ୍ଟଣ୍ଟ ଶୋ’ଖତରୋ କେ ଖିଲାଡି ସିଜନ ୧୪ ଶେଷ ହୋଇଛି । ଶୋ’ କୁ ତାର ବିଜେତା ମିଳିଛି । ଟେଲି ଅଭିନେତା କରଣଭୀର ମେହେରା ଏହି ସିଜିନର ବିଜେତା ହୋଇଛନ୍ତି । ଏହି ରିଏଲିଟି ସୋ’ ଗତ ୩ ମାସ ଧରି ଚାଲିଥିଲା । ଶୋ’ରେ ସମସ୍ତ ପ୍ରତିଯୋଗୀଙ୍କୁ ହରାଇ ଟ୍ରଫି ହାତେଇଛନ୍ତି କରଣଭୀର।
ପୁରସ୍କାର ରାଶି ସହିତ ସେ ଏକ ଚମତ୍କାରୀ ଟୟୋଟା କାର ମଧ୍ୟ ପାଇଛନ୍ତି। ସେହିପରି ଏହି ଟ୍ରଫି ଜିତିବା ପରେ କରଣଭୀର ବେଶ ଖୁସିଥିବା କହିଛନ୍ତି । କରଣଭୀରଙ୍କ ବ୍ୟତୀତ ରନରଅପ୍ ହୋଇଛନ୍ତି ଗସମୀର ମହାଜନୀ ଓ କ୍ରିଷ୍ଣା ଶ୍ରଫ୍ । ତେବେ ଫାଇନାଲରେ କରଣ ବୀର ,ଅଭିଷେକ କୁମାର, ଗଶ୍ମିର ମହାଜନୀ, ଶାଲିନ ଭନୋତ୍ ଏବଂ କୃଷ୍ଣା ଶ୍ରଫଙ୍କ ସହ ପ୍ରତିଦ୍ୱନ୍ଦ୍ୱିତା କରିଥିଲେ।
ସମସ୍ତ ପ୍ରତିଯୋଗୀଙ୍କୁ ପଛରେ ପକାଇ କରଣ ଲୋକପ୍ରିୟ ରିଆଲିଟି ସୋ ଖତରୋଁ କେ ଖିଲାଡି ସିଜନ ୧୪ର ଟାଇଟଲ ଜିତିଛନ୍ତି। ଗ୍ରାଣ୍ଡ୍ ଫାଇନାଲ୍ ର ଶେଷ ଷ୍ଟଣ୍ଟରେ କରଣ ପ୍ରତ୍ୟେକ ବିପଜ୍ଜନକ ଷ୍ଟଣ୍ଟକୁ ବହୁତ ଭଲ ପ୍ରଦର୍ଶନ କରିଥିଲେ । ଏହି ଶୋ’ଜିତିବା ପରେ କରଣ ଟ୍ରଫି, ପୁରସ୍କାର ରାଶି ଏବଂ ଏକ କାର ପାଇଥିଲେ । ଶ୍ରେଷ୍ଠ ୫ ପ୍ରତିଯୋଗୀଙ୍କ ମଧ୍ୟରେ ସ୍ଥାନ ପାଇଛନ୍ତି। ୨୯ ସେପ୍ଟେମ୍ବରରେ ଶୋ’ର ବିଜେତା ଘୋଷଣା ହୋଇଥିଲା । କରଣ କେବଳ ‘ଖତରୋଁ କେ ଖିଲାଡି ୧୪’ ଟ୍ରଫି ଜିତି ନାହାଁନ୍ତି ବରଂ ତାଙ୍କୁ ୨୦ ଲକ୍ଷ ଟଙ୍କା ପୁରସ୍କାର ରାଶି ମଧ୍ୟ ପାଇଛନ୍ତି। ଏହା ବ୍ୟତୀତ ଏକ ଟୟୋଟା କାର ମଧ୍ୟ ଜିତିଥିଲେ। କରଣ ଶୋ’ରେ ପ୍ରତ୍ୟେକ ଷ୍ଟଣ୍ଟ ଏବଂ ଟାସ୍କକୁ ବହୁତ ଉତ୍ସାହର ସହିତ ପ୍ରଦର୍ଶନ କରିଛନ୍ତି। କରଣ ମେହେରା ଟ୍ରଫି ସହିତ ଇନଷ୍ଟାଗ୍ରାମରେ ଏକ ଫଟୋ ପୋଷ୍ଟ କରିଛନ୍ତି।
