ନୀଳଗିରି : ଦୁର୍ଘଟଣା ପରେ ଉତ୍ତେଜନା । ତେଲ ଟ୍ୟାଙ୍କର ଧକ୍କାରେ ବାଇକ ଆରୋହୀ ମୃତ । ମୃତ ଯୁବକ ଦହିଶୋଡା ଅଞ୍ଚଳର ସଂଜୀବ କୁମାର ବେହେରା । ବାଲେଶ୍ବର ଶେରଗଡ଼ ୧୯ ନମ୍ବର ରାଜ୍ୟ ରାଜପଥ ଭାଲୁକାଶୁଣି ଛକ ନିକଟରେ ତେଲ ଟ୍ୟାଙ୍କର ଧକ୍କାରେ ଜଣେ ବାଇକ ଆରୋହୀଙ୍କ ମୃତ୍ୟୁକୁ ନେଇ ଉତ୍ତେଜନା ଦେଖାଦେଇଥିଲା । ଉତ୍ୟକ୍ତ ଲୋକ ମୃତଦେହ ରଖି ନୀଳଗିରି-ଉଦଳା ଜାତୀୟ ରାଜପଥ ଅବରୋଧ କରିଥିଲେ ।
ନୀଳଗିରି ପୋଲିସ ତେଲ ଟ୍ୟାଙ୍କରକୁ ଜବତ କରି ବୁଝାସୁଝା କରିବା ପରେ ରାସ୍ତାରୋକ ହଟିଥିଲା । ରାସ୍ତା କାମଟି ଦୀର୍ଘ ଦିନ ଧରି ଚାଲୁଥିଲେ ମଧ୍ୟ ତାହା ଏପର୍ଯ୍ୟନ୍ତ ସମ୍ପୂର୍ଣ୍ଣ ହୋଇପାରିନାହିଁ । ଫଳରେ ଲୋକମାନେ ବାରମ୍ଵାର ଦୁର୍ଘଟଣାରେ ଶିକାର ହେଉଥିବା ଅଭିଯୋଗ ହୋଇଛି ।
