ସିସିଟିଭିରେ ରେକର୍ଡ ହେଲା ଲୁଟର ଭିଜୁଆଲ । ବଡ଼ ଚାଲାକିରେ ସୁନା ଲୁଟିଲେ ଲୁଟେରା । ଲୁଟିବା ପାଇଁ ଦିନ ଦ୍ବିପ୍ରହରରେ ଦୋକାନରେ ପଶିଲେ । ଆଉ ଦୋକାନରେ ଦୋକାନ ମାଲିକଙ୍କ ପୁଅ ଥିବା ଦେଖି ଲୁଟିନେଲେ ସୁନା । ଅନୁଗୁଳ ଜିଲ୍ଲା କଣିହାଁ ବ୍ଲକ ଅନ୍ତର୍ଗତ ରେଙ୍ଗାଳି ପ୍ରୋଜେକ୍ଟ ଲକ୍ଷ୍ମୀବଜାରରେ ଥିବା ଶୁଭଲକ୍ଷ୍ମୀ ଜୁଏଲର୍ସରୁ ମଧ୍ୟାହ୍ନ ସମୟରେ ଦୁଇ ଜଣ ଦୁର୍ବୃତ୍ତ ଗହଣା କିଣିବା ବାହାନାରେ ଆସି ୯୯ ଗ୍ରାମ୍ର ସୁନା ଲୁଟି ନେଇଛନ୍ତି । ଜୁଏଲର୍ସ ମାଲିକ ରଞ୍ଜନ ସାହୁଙ୍କ ଅନୁପସ୍ଥିତିରେ ଦୋକାନରେ ତାଙ୍କ ପୁଅ ଥିଲେ । ଏହି ସମୟରେ ଉଭୟ ଲୁଟେରା ଗ୍ରାହକ ବେଶରେ ଆସି ପୁଅ ସହ କଥାବାର୍ତ୍ତା ହୋଇଥିଲେ । ଦୋକାନୀଙ୍କ ପୁଅ ଅନ୍ୟମନସ୍କ ଥିବାର ସୁଯୋଗ ନେଇ ଦୁର୍ବୃତ୍ତ ଦୁଇଜଣ ଡ୍ର ମଧ୍ୟରେ ହାତ ପୁରାଇ ସୁନା ଲୁଟିନେଇ ଫେରାର ହୋଇ ଯାଇଥିଲେ । ଏନେଇ ଜୁଏଲର୍ସ ମାଲିକ ରଞ୍ଜନ ସାହୁ ରେଙ୍ଗାଳି ଥାନାରେ ଏତଲା ଦେବାପରେ ପରେ ପୋଲିସ ସିସିଟିଭି ଫୁଟେଜ୍ ଯାଞ୍ଚ କରି ତଦନ୍ତ ଚଳାଇଛି ।
ଲୁଟେରାମାନେ ଦିନ ଦ୍ବିପହରରେ ଏମିତି ଲୁଟ କରି ଖସି ପଳାଉଛନ୍ତି । ପୋଲିସ ହାତରେ ସିସିଟିଭି ଭିଜୁଆଲ ବି ଅଛି । ତେବେ ଏ ଘଟଣାକୁ ଗୁରୁତର ସହ ନେଇ ତୁରନ୍ତ ଲୁଟେରାଙ୍କୁ ଧରାଗଲେ ସ୍ଥାନୀୟ ଅଞ୍ଚଳରୁ ଭୟ ଯିବ ।
