ଦେଶୀ ମଦ ଭାଟିରେ ଢକ ଢକ କରି ମଦ ପିଇଲେ ପ୍ରଧାନ ଶିକ୍ଷକ। ଭିଡିଓ ଭାଇରଲ ପରେ ଆକ୍ସନ ଦାବି। ପ୍ରଧାନଶିକ୍ଷକ ହେଉଛନ୍ତି ଢେଙ୍କାନାଳ ଜିଲ୍ଲା ଭୁବନ ବ୍ଲକ ବାଲିବୋ ସରକାରୀ ଉଚ୍ଚ ବିଦ୍ୟାଳୟର ପ୍ରଧାନ ଶିକ୍ଷକ କାର୍ତ୍ତିକ ପେଣ୍ଠୋଇ । ପ୍ରଧାନଶିକ୍ଷକ ସ୍କୁଲ ଯିବା ବାଟରେ ଭୁବନ ପାଣ୍ଡରା ନାଳ ନିକଟରେ ଏକ ଦେଶୀ ମଦ ଦୋକାନରୁ ମଦ ପିଉଥିବା ବେଳେ ଗ୍ରାମବାସୀଙ୍କ ଦୃଷ୍ଟି ଗୋଚର ହୋଇଥିଲେ। ଯାହାର ଭିଡିଓ ଏବେ ସୋସିଆଲ ମିଡ଼ିଆରେ ଭାଇରଲ ହେଉଛି। ଏ ନେଇ ପ୍ରଧାନ ଶିକ୍ଷକଙ୍କ ନାମରେ ଭୁବନ ଥାନା ଏବଂ ବ୍ଲକ ଶିକ୍ଷାଧିକାରୀଙ୍କ ନିକଟରେ ଅଭିଯୋଗ ହୋଇଛି। ତୁରନ୍ତ ସମ୍ପୃକ୍ତ ଶିକ୍ଷକଙ୍କ ବିରୋଧରେ ଦୃଢ଼ କାର୍ଯ୍ୟାନୁଷ୍ଠାନ ନେବାକୁ ଦାବି ହୋଇଛି।
