ଭୁବନେଶ୍ୱର:- ଉପମୁଖ୍ୟମନ୍ତ୍ରୀ ଶ୍ରୀମତୀ ପ୍ରଭାତୀ ପରିଡା ଆସନ୍ତାକାଲି ଦିନିକିଆ ନୂଆଦିଲ୍ଲୀ ଗସ୍ତ କରିବେ । ସେଠାରେ ସେ ୪୪ତମ ଅନ୍ତର୍ଜାତୀୟ ବାଣିଜ୍ୟ ମେଳାରେ ଯୋଗଦେଇ ଓଡିଶା ପାଭିଲିୟନକୁ ଉଦଘାଟନ କରିବେ । ଭାରତ ମଣ୍ଡପମରେ ଆୟୋଜିତ ଏହି ମେଳାରେ ଓଡିଶା ପ୍ରତ୍ୟେକ ବର୍ଷ ଏକ ପ୍ରମୁଖ ରାଜ୍ୟ ଭାବେ ଯୋଗଦେଇ ନିଜର ଅବଦାନ ରଖିବା ସହ ରାଜ୍ୟର ଐତିହ୍ୟ, କଳା, ପରମ୍ପରା, ସଂସ୍କୃତିର ପ୍ରଦର୍ଶନ ଜାରି ରଖିଛି । ସେହିଭଳି ଆସନ୍ତା ୧୫ ତାରିଖରେ ମଧ୍ୟ ସେ ଦିନିକିଆ ବେଙ୍ଗାଲୁରୁ ଗସ୍ତରେ ଯିବେ । ଏହି ଗସ୍ତରେ ସେ ଓଡିଶା ପର୍ଯ୍ୟଟନ ଦ୍ୱାରା ଆୟୋଜିତ ହେଉଥିବା ‘ଓଡ଼ିଶା ପରବ’ କାର୍ଯ୍ୟକ୍ରମରେ ଯୋଗଦେବେ। ଏହି ଗସ୍ତ କାରଣରୁ ସରକାରୀ ବାସଭବନଠାରେ ହେଉଥିବା ଅଭିଯୋଗ ଶୁଣାଣି ବନ୍ଦ ରହିବ ବୋଲି ତାଙ୍କ କାର୍ଯ୍ୟାଳୟରୁ ଜଣାପଡିଛି
