Jana Nayagan Release: ଥିଏଟରରେ ଧମାଲ କରୁଛି ବିଜୟଙ୍କ ଶେଷ ଫିଲ୍ମ ଜନ ନାୟାଗନ୍, ଫ୍ୟାନ୍ସଙ୍କ ମଧ୍ୟରେ ବଢିଲା କ୍ରେଜ୍
ଲୋକପ୍ରିୟ ଅଭିନେତା ବିଜୟଙ୍କ କ୍ୟାରିଅରର ଶେଷ ଫିଲ୍ମ ଜନ ନାୟାଗନ୍ ରିଲିଜ ହୋଇଛି । ଯାହା ତାମିଲନାଡୁ ଫିଲ୍ମ ଥିଏଟରରେ ଚହଳ ସୃଷ୍ଟି କରିଛି । ଯାହା ଏବେ ସୋସିଆଲ ମିଡିଆରେ ଖୁବ୍ ଜୋର ଧରିଛି । ସୋସିଆଲ ମିଡିଆରେ ଭାଇରାଲ ହେଉଥିବା ଥିଏଟରର ଭିଡିଓରେ ଦର୍ଶକଙ୍କ ମଧ୍ୟରେ ଥିବା ଉତ୍ସାହ ସ୍ପଷ୍ଟ ଭାବେ ଦେଖିବାକୁ ମିଳୁଛି । ଏଥିସହ ବିଜୟଙ୍କ ପାର୍ଟି ଟିଭିକେର ପ୍ରଶଂସକ ଏବଂ କର୍ମୀ ଉଭୟ ଏହି ଭାଇରାଲ ଭିଡିଓରେ ନଜର ଆସିଛନ୍ତି । ଏହି ଫିଲ୍ମରେ ପୂଜା ହେଗଡେ, ବବି ଦେଓଲ, ମମିତା ବୈଜୁ, ଗୌତମ ବାସୁଦେବ ମେନନ, ପ୍ରକାଶ ରାଜ ଏବଂ ନାରାୟଣଙ୍କ ସମେତ ଅନେକ ବଡ଼ ବଡ଼ ଅଭିନେତାଙ୍କ ଅଭିନୟର ଯାଦୁ ଦେଖିବାକୁ ପାଇବେ ଦର୍ଶକ ।
ଚେନ୍ନାଇର ୱୁଡଲ୍ୟାଣ୍ଡସ୍ ଏବଂ କାସିନୋ ସମେତ ଅନେକ ଫିଲ୍ମ ହଲରେ ବିଶେଷ ସାଂସ୍କୃତିକ କାର୍ଯ୍ୟକ୍ରମ ସହିତ ବହୁ ପ୍ରତୀକ୍ଷିତ ଫିଲ୍ମର ରିଲିଜକୁ ସ୍ୱାଗତ କରାଯାଇଥିଲା । ବିଜୟଙ୍କୁ ସ୍ୱାଗତ କରିବା ପାଇଁ ରାତିରେ ଆକାଶରେ ଲେଜର ବିମ୍ ପ୍ରଦର୍ଶିତ କରାଯାଇଥିଲା ଏବଂ ପ୍ରଶଂସକମାନେ ମଜାଦାର ଗୀତରେ ନାଚୁଥିବାର ଦେଖିବାକୁ ମିଳିଥିଲା । ଦର୍ଶକ ସକାଳର ଶୋ ପାଇଁ ଅପେକ୍ଷା କରିଥିଲେ । ତେଣୁ ବୁଧବାର ବିଳମ୍ବିତ ରାତିରେ ଚେନ୍ନାଇର ଥିଏଟରରେ ଏକ ଡ୍ରୋନ୍ ଶୋ ଆୟୋଜନ କରାଯାଇଥିଲା ।
ଏହା ବ୍ୟତୀତ ଥିଏଟର ବାହାରେ ଏବଂ ଚେନ୍ନାଇର କିଛି ଚର୍ଚ୍ଚିତ ଛକରେ ଅଭିନେତା-ରାଜନେତାଙ୍କର ବଡ଼ ବଡ଼ କଟଆଉଟ୍ ଲଗାଯାଇଥିଲା । ପିଟିଆଇ ଅନୁଯାୟୀ, ବୁଧବାର ସନ୍ଧ୍ୟାରେ ବିଜୟ ନିଜେ କିଛି ଅଧିକାରୀଙ୍କ ସହିତ ‘ଜନ ନାୟକନ’ର ଏକ ସ୍ୱତନ୍ତ୍ର ସ୍କ୍ରିନିଂରେ ସାମିଲ ହୋଇଥିଲେ ।
