[ad_1]
ମୁମ୍ବାଇ: ନିଜ ନାତିଙ୍କୁ ଝୁରୁଛନ୍ତି ବଲିଉଡ଼ ଅଭିନେତା ଅନୀଲ କପୁର । ନାତିଙ୍କୁ ମନେ ପକାଇ ସେ ନାତି ବାୟୁଙ୍କ ସହ ଦୁଇଟି ଫଟୋ ସୋସିଆଲ ମିଡ଼ିଆରେ ସେୟାର କରିଛନ୍ତି । ଆଉ ଏମିତି କିଛି ଲେଖିଛନ୍ତି, ଯାହାକୁ ଲୋକେ ଖୁବ ପସନ୍ଦ କରିଛନ୍ତି । ଏହି ଦୁଇଟି ଫଟୋ ଏବେ ଖୁବ୍ ଭାଇରାଲ ହେବାରେ ଲାଗିଛି । ଆଉ ସବୁଠୁ ବଡ଼ କଥା ସେୟାର କରିଥିବା ଦୁଇଟି ଯାକ ଫଟୋରେ ଅନୀଲ ସବୁଥର ପରି ଏଥର ମଧ୍ୟ ନିଜ ପ୍ରିୟ ନାତିଙ୍କ ଚେହେରା ଦେଖାଇ ନାହାନ୍ତି ।
ସେୟାର ହୋଇଥିବା ପ୍ରଥମ ଫଟୋରେ ଅନିଲ ସୋଫା ଉପରେ ବାୟୁ ସହିତ ବସିଥିବାର ଦେଖିବାକୁ ମଳିଛି ଏବଂ ବାୟୁଙ୍କ ମୁହଁ ଏକ କଳା ଟୋପିରେ ଘୋଡ଼େଇ ହୋଇଛି । ସେହିପରି ଦ୍ୱିତୀୟ ଫଟୋରେ ଅନିଲ ବାୟୁଙ୍କୁ କୋଳରେ ଧରିଥିବାର ନଜର ଆସିଛନ୍ତି । ଏହି ସମୟରେ ସୋନମ ମଧ୍ୟ ପାଖରେ ଅଛନ୍ତି । ଏଥିରେ କ୍ୟାପଶନ ଲେଖିଛନ୍ତି, କୌଣସି ବିତର୍କ ନାହିଁ, ବାୟୁ ଏହି ଟୋପି ଭଲ ଭାବରେ ପିନ୍ଧନ୍ତି । .. ବସ୍ ବାବି … ମିସିଙ୍ଗ ବାୟୁ । ବାପାଙ୍କ ପୋଷ୍ଟ ଉପରେ ମନ୍ତବ୍ୟ ଦେଇ ସୋନମ କପୁର ଲେଖିଛନ୍ତି, ଅଜା ବାୟୁ ତୁମକୁ ଏବଂ ତୁମର ଟୋପି ମଧ୍ୟ ବହୁତ ମିସ୍ କରୁଛି ।
ସୋନମ ଗତ ବର୍ଷ ପୁଅ ବାୟୁଙ୍କୁ ଜନ୍ମ ଦେଇଥିଲେ । ତିନିମାସ ପୂର୍ବେ ଅର୍ଥାତ୍ ଅଗଷ୍ଟରେ ପୁଅର ପ୍ରଥମ ଜନ୍ମଦିନ ଧୁମ୍ଧାମ୍ରେ ପାଳନ କରିଥିଲେ । ଏହି ବିଶେଷ ଉତ୍ସବରେ ଆହୁଜା ଏବଂ କପୁର ପରିବାରର ସମସ୍ତ ସଦସ୍ୟ ଯୋଗ ଦେଇଥିଲେ ।
[ad_2]
