ଲୋକପ୍ରିୟ ଟେଲିଭିଜନ ଅଭିନେତା ରୋହିତ ଚାଣ୍ଡେଲଙ୍କ ସମ୍ପର୍କରେ ଏକ ଆଶ୍ଚର୍ଯ୍ୟଜନକ ଖବର ସାମ୍ନାକୁ ଆସିଛି । ଜଣେ ୧୬ ବର୍ଷୀୟ ଝିଅକୁ ପିଛା କରିବା, ବାରମ୍ବାର ଫୋନ୍ କରିବା, ହଇରାଣ କରିବା ଏବଂ ଆକ୍ରମଣ କରିବା ଅଭିଯୋଗରେ ଗିରଫ କରାଯାଇଛି । ଏହି ଅଭିଯୋଗ ଆଧାରରେ ଅଭିନେତାଙ୍କ ବିରୋଧରେ ପୋଲିସ POCSO ମାମଲା ରୁଜୁ କରିଛି । ଏଥିସହ ଏହି ମାମଲାର ତଦନ୍ତ ମଧ୍ୟ ପୋଲିସ୍ ଆରମ୍ଭ କରିଛି ।
POCSO ଅନୁଯାୟୀ ଏକ ମାମଲା ରୁଜୁ କରାଯାଇଛି । କିନ୍ତୁ ଏପର୍ଯ୍ୟନ୍ତ ସୁଦ୍ଧା କୌଣସି ସରକାରୀ ବିବୃତ୍ତି ଜାରି କରାଯାଇନାହିଁ । ଏହା ବ୍ୟତୀତ ପନ୍ତ ନଗର ପୋଲିସ ଭାରତୀୟ ସଂହିତାର ଧାରା ୭୮ ଏବଂ ୧୧୫(୨) ମଧ୍ୟ ଲାଗୁ କରିଛି । ଯେଉଁ ଧାରା ପିଛା କରିବା ଏବଂ ଆଘାତ ଦେବା ସହିତ ଜଡିତ ।
ରୋହିତ ଚାଣ୍ଡେଲଙ୍କୁ ଶୁକ୍ରବାର ଦିନ ଦହିସରସ୍ଥିତ ତାଙ୍କ ଘରୁ ଗିରଫ କରାଯାଇ ଏକ ସ୍ୱତନ୍ତ୍ର POCSO କୋର୍ଟରେ ହାଜର କରାଯାଇଥିଲା, ଯେଉଁଠାରେ ତାଙ୍କୁ ପୋଲିସ ହେପାଜତକୁ ପଠାଇ ଦିଆଯାଇଥିଲା । ଏହା ମଧ୍ୟ ଅଭିଯୋଗ କରାଯାଇଛି ଯେ ଜୁଲାଇ ୫ ତାରିଖରେ ସେ ଝିଅଟିକୁ ତାଙ୍କ ଆବାସିକ କୋଠା ନିକଟରେ ଅଟକାଇ ତାଙ୍କ ପଛେ ପଛେ ଯାଇଥିଲେ । ପରେ ସେ ତାଙ୍କ ସହ ଝଗଡା କରିବା ସହିତ ତାଙ୍କୁ ଦୁର୍ବ୍ୟବହାର କରିଥିଲେ ଏବଂ ଆକ୍ରମଣ କରିଥିଲେ ।
ଅନ୍ୟପଟେ ପରସ୍ପରକୁ ଜାଣିଥିଲେ ବୋଲି ପୋଲିସ କହିଛି । ଜଣେ ଅଧିକାରୀ ଅଧିକ ବିବରଣୀ ପ୍ରଦାନ କରି କହିଛନ୍ତି, ଅଭିଯୋଗ ପରେ, ଏକ ମାମଲା ରୁଜୁ କରାଯାଇଛି ଏବଂ ଅଭିଯୁକ୍ତକୁ ଗିରଫ କରାଯାଇଛି । ଏହି ମାମଲାରେ ଅଧିକ ତଦନ୍ତ ଚାଲିଛି ।
