[ad_1]
ରାଂଚୀ: ଭାରତୀୟ କ୍ରିକେଟର ସବୁଠାରୁ ସଫଳ ଅଧିନାୟକ ଭାବେ ବିବେଚିତ ମହେନ୍ଦ୍ର ସିଂ ଧୋନୀ ଅବସର ନେଇ ସାରିଛନ୍ତି । ଏବେ ତାଙ୍କ ସମ୍ମାନ ପାଇଁ ଧୋନୀଙ୍କ ୭ନଂ ଜର୍ସିକୁ ମଧ୍ୟ ଅବସର ଦିଆଯାଇଛି । ବିସିସିଆଇ ପକ୍ଷରୁ ଏହା ଘୋଷଣା କରାଯାଇଛି । ଫଳରେ ଭାରତର ଅନ୍ୟ ଖେଳାଳିମାନେ ଏହି ନମ୍ବର ଥିବା ଜର୍ସି ପିନ୍ଧି ପାରିବେ ନାହିଁ । ପୂର୍ବରୁ ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କ ୧୦ ନଂ ଜର୍ସିକୁ ମଧ୍ୟ ଅବସର ଦିଆ ଯାଇଥିଲା । କିଛି ଦିନ ତଳେ ଶାର୍ଦ୍ଦୁଳ ଠାକୁର ୧୦ ନଂ ଜର୍ସି ପିନ୍ଧି ଖେଳିଥିଲେ । ଜର୍ସିର ଅବସର ଘୋଷଣା ପରେ ତାଙ୍କୁ ଏହି ନମ୍ବର ଜର୍ସି ପିନ୍ଧିବା ପାଇଁ ଅନୁମତି ମିଳି ନ ଥିଲା ।
ଭାରତୀୟ କ୍ରିକେଟ କଂଟ୍ରୋଲ ବୋର୍ଡ ଏବେ ସମୁଦାୟ ୬୦ଟି ନମ୍ବର ଖେଳାଳିମାନଙ୍କ ପାଇଁ ଲାଗୁ କରିଛି । ଯଦି କୌଣସି ଖେଳାଳି ବର୍ଷକରୁ ଅଧିକ ସମୟ ଦଳରୁ ବାଦ ପଡିଥିଲେ ମଧ୍ୟ ତରବରିଆ ଭାବେ ସେ ପିନ୍ଧିଥିବା ଜର୍ସିର ନମ୍ବର ନୂତନ ଖେଳାଳିଙ୍କୁ ପ୍ରଦାନ କରାଯିବନି ବୋଲି ବିସିସିଆଇ ପକ୍ଷରୁ ସ୍ପଷ୍ଟ କରାଯାଇଛି । ମହାନ ଖେଳାଳିଙ୍କ ପ୍ରଦର୍ଶନକୁ ମନେ ରଖିବା ପାଇଁ ସେମାନଙ୍କ ଜର୍ସିକୁ ମଧ୍ୟ ସମ୍ମାନର ସହ ଅବସର ଦିଆଯାଉଛି । ବିସିସିଆଇର ଏହି ପଦକ୍ଷେପକୁ କ୍ରିକେଟପ୍ରେମୀ ଓ ଧୋନୀଙ୍କ ପ୍ରଶଂସକ ସ୍ୱାଗତ କରିଛନ୍ତି ।
[ad_2]
