[ad_1]
File Image
କଟକ: ଦୀର୍ଘ ଦିନର ଆଇନଗତ ଲଢ଼େଇ ପରେ ସାଂସଦ ଅନୁଭବ ମହାନ୍ତି ତାଙ୍କ ପତ୍ନୀ ଅଭିନେତ୍ରୀ ବର୍ଷା ପ୍ରିୟଦର୍ଶିନୀଙ୍କୁ ଛାଡ଼ପତ୍ର ଦେବା ପାଇଁ ଓଡ଼ିଶା ହାଇକୋର୍ଟଙ୍କ ରାୟ ପରେ ଆଶ୍ୱସ୍ତି ଓ କୃତଜ୍ଞତା ଜ୍ଞାପନ କରିଛନ୍ତି। ଆଗକୁ ନିର୍ବାଚନ ରହିଛି ତେଣୁ ଏହି ଅଭିନେତାକୁ ନେତା ପାଲଟିଥିବା ବ୍ୟକ୍ତି ଜଣଙ୍କ ରାଜନୀତିରେ ସକ୍ରିୟ ରହିବେ କି ନାହିଁ ତାହା ଚର୍ଚ୍ଚା ଚାଲିଛି।
ଗତକାଲି ସେ ଗଣମାଧ୍ୟମକୁ ପ୍ରତିକ୍ରିୟା ଦେଇ କହିଛନ୍ତି, ମୋର ଦୀର୍ଘ ପ୍ରତୀକ୍ଷାର ଅନ୍ତ ଘଟିଛି। ଏହି କଠିନ ଯାତ୍ରାରେ ସହଯୋଗ କରିଥିବାରୁ ମୁଁ ହାଇକୋର୍ଟ, ମୋର ଓକିଲ ଏବଂ ଗଣମାଧ୍ୟମକୁ ଧନ୍ୟବାଦ ଜଣାଉଛି ବୋଲି ସେ କହିଛନ୍ତି।
ଅନୁଭବ ମହାନ୍ତି ନ୍ୟାୟ ପାଇବାରେ ବିଳମ୍ବକୁ ସ୍ୱୀକାର କରିଥିଲେ ମଧ୍ୟ ଶେଷରେ ତାଙ୍କୁ ନ୍ୟାୟ ମିଳିଛି ବୋଲି କହିଛନ୍ତି। ସେ ଆଶ୍ୱସ୍ତି ଅନୁଭବ କରିଛନ୍ତି। ଲୋକଙ୍କ ସେବା କରିବା ପାଇଁ ମୁଁ ରାଜନୀତିରେ ପ୍ରବେଶ କରିଛି ଏବଂ ସେମାନେ ଚାହିଁଲେ ମୁଁ ଏହା ଜାରି ରଖିବି ବୋଲି ଅନୁଭବ ମହାନ୍ତି ସଫେଇ ଦେଇଛନ୍ତି।
ଏପରି କହି ସେ ଦଳର ଶୀର୍ଷ ନେତାଙ୍କୁ ରାଜନୀତିରେ ଏବେ ସେ ପୂର୍ବଭଳି ସକ୍ରିୟ ହୋଇ କାମ କରିବେ ବୋଲି ଏକ ବାର୍ତ୍ତା ଦେବାକୁ ପ୍ରୟାସ କରିଛନ୍ତି ବୋଲି କୁହାଯାଉଛି। ପାରିବାରିକ ବିବାଦରେ ଛନ୍ଦି ହେବା ପରେ ଅନୁଭବ ନିଜ ଲୋକସଭା ଆସନରେ ମଧ୍ୟ ସେତେଟା ସକ୍ରିୟ ରହୁନଥିବା ଅଭିଯୋଗ ରହିଥିଲା। ତେଣୁ ଆଗାମୀ ଦିନରେ ସେ ସମାନ ଆସନରୁ ନିର୍ବାଚନ ଲଢିବେ ନା ସିନ୍ଧାନ୍ତ ମହାପାତ୍ରଙ୍କ ଭଳି ଆଉ ଟିକେଟ୍ ପାଇବେ ନାହିଁ ତାକୁ ନେଇ ଚର୍ଚ୍ଚା ଚାଲିଛି।
ଉଲ୍ଲେଖଯୋଗ୍ୟ, ଅଭିନେତାରୁ ରାଜନେତା ପାଲଟିଥିବା ଅନୁଭବ ପୂର୍ବରୁ କଟକ ପରିବାର ଅଦାଲତଙ୍କ ଛାଡ଼ପତ୍ର ଆବେଦନଖାରଜ ହେବା ଘଟଣାକୁ ଓଡ଼ିଶା ହାଇକୋର୍ଟରେ ଚ୍ୟାଲେଞ୍ଜ କରିଥିଲେ। ଅଦାଲତଙ୍କ ଏହି ରାୟ ଏକ ଲମ୍ବା ଆଇନଗତ ଲଢ଼େଇକୁ ବନ୍ଦ କରିଦେଇଛି, ଯାହା ଅନୁଭବ ମହାନ୍ତିଙ୍କୁ ତାଙ୍କ ଜୀବନ ଏବଂ କ୍ୟାରିୟର ସହିତ ଆଗକୁ ବଢ଼ିବାକୁ ଅନୁମତି ଦେଇଛି ବୋଲି କୁହଯାଉଛି।
[ad_2]
