[ad_1]
ନୂଆଦିଲ୍ଲୀ: ଦକ୍ଷିଣ ଭାରତର ଲୋକପ୍ରିୟ ଅଭିନେତା ଥାଲାପତି ବିଜୟଙ୍କ ଉପରକୁ ଜଣେ ଅଜଣା ବ୍ୟକ୍ତି ଚପଲ ମାଡ କରିଛି । ଅଭିନେତା ତଥା ରାଜନେତା ବିଜୟକାନ୍ତଙ୍କ ଅନ୍ତିମ ସଂସ୍କାରରେ ଯୋଗ ଦେବା ପାଇଁ ବିଜୟ ଯାଇଥିଲେ । ସେହି ସମୟରେ ଏହି ଅଘଟଣା ଘଟିଛି । ଏ ସମ୍ପର୍କୀତ ଏକ ଭିଡିଓ ଏବେ ଭାଇରାଲ ହେବାରେ ଲାଗିଛି । ଅବଶ୍ୟ ବିଜୟଙ୍କୁ ଏଥିରେ କୌଣସି ଆଘାତ ଲାଗି ନାହିଁ । ବିଜୟଙ୍କ ପ୍ରଶଂସକମାନେ ଏ ନେଇ ତୀବ୍ର ପ୍ରତିକ୍ରିୟା ବ୍ୟକ୍ତ କରିଛନ୍ତି । ତାଙ୍କ ପରି ଜଣେ ସୁପରଷ୍ଟାରଙ୍କୁ କିଏ କାହିଁକି ଚପଲ ମାଡ କରିବ ତାହା ସମସ୍ତଙ୍କୁ ଚକିତ କରିଛି ।
ସୁଚନାଯୋଗ୍ୟ, ବିଜୟକାନ୍ତ କୋଭିଡ ପଜିଟିଭ ହେବା ପରେ ଅସୁସ୍ଥ ହୋଇ ପଡିଥିଲେ । ଏହା ପରେ ତାଙ୍କର ମୃତ୍ୟୁ ଘଟିଥିଲା । ତାଙ୍କର ୧୯୯୧ରେ ରିଲିଜ ହୋଇଥିବା କ୍ୟାପଟେନ ପ୍ରଭାକରନ ବଡ ହିଟ ହୋଇଥିଲା । ଏହା ପରେ ସେ କ୍ୟାପଟେନ ବିଜୟକାନ୍ତ ଭାବେ ପରିଚିତ ହୋଇଥିଲେ । ତାଙ୍କ ଦ୍ୱାରା ଗଠିତ ଡିଏମଡିକେ ପାର୍ଟି ତାମିଲନାଡୁରେ ବେଶ ଗ୍ରହଣୀୟ ଥିଲା ।
[ad_2]
