[ad_1]
ବ୍ରିସବେନ: ଏଠାରେ ଅନୁଷ୍ଠିତ ବ୍ରିସବେନ ଆନ୍ତର୍ଜାତୀୟ ଟେନିସ ଟୁର୍ଣ୍ଣାମେଂଟ ଅବସରରେ କୋର୍ଟ ମଧ୍ୟକୁ ବିଷାକ୍ତ ସାପ ପଶି ଆସିଥିଲା । ଡୋମିନିକ ଥିଏମ ଓ ଜେମ୍ସ ମ୍ୟାକକବେଙ୍କ ମଧ୍ୟରେ ମ୍ୟାଚ ଖେଳା ଯାଉଥିଲା । ଦର୍ଶକଙ୍କ ମଧ୍ୟରୁ ଜଣେ ପ୍ରଥମେ ଏହି ସାପକୁ ଦେଖିଥିଲେ । ସେ ପାଟି କରି କହିବା ପରେ ସୁରକ୍ଷାକର୍ମୀ କୋର୍ଟ ନିକଟରେ ପଂହଚି ଅମ୍ପାୟରଙ୍କୁ ଜଣାଇବା ପରେ ମ୍ୟାଚ ରୋକା ଯାଇଥିଲା । ସେ ସମୟରେ ଥିଏମ ତାଙ୍କ ପ୍ରତିଦ୍ୱନ୍ଦ୍ୱୀଙ୍କ ନିକଟରୁ ଗୋଟିଏ ସେଟ ପଛରେ ଥିଲେ । ବହୁତ କଷ୍ଟରେ ସାପକୁ ସେଠାରୁ ହଟାଯିବା ପରେ ମ୍ୟାଚ ପୁନର୍ବାର ଆରମ୍ଭ ହୋଇ ଯାଇଥିଲା । ଥିଏମ ଏହି ମ୍ୟାଚକୁ ୨-୬, ୭-୬ ଓ ୬-୪ ସେଟରେ ଜିତି ନେଇଥିଲେ ।
ପଡିଆରେ ପ୍ରବେଶ କରିଥିବା ସାପର ଲମ୍ବା ୫୦ ସେଂଟିମିଟର ଥିଲା । ସାପଟି ବଲ କିଡ୍ସ ନିକଟକୁ ଯାଉଥିବା ବେଳେ ଦର୍ଶକଙ୍କ ନଜରରେ ପଡିଥିଲା । ଏହି ଘଟଣରେ ଉଭୟ ଖେଳାଳି ଓ ଦର୍ଶକ ଭୟଭୀତ ହୋଇ ପଡିଥିଲେ । ଥିଏମ ତାଙ୍କ ପରବର୍ତୀ ମୁକାବିଲାରେ ଗୁଇଲିୟୋ ଜୋଏପରୀ ଓ ଓମାର ଜାସିକାଙ୍କ ମଧ୍ୟରେ ଅନୁଷ୍ଠିତ ମ୍ୟାଚର ବିଜେତାଙ୍କୁ ଭେଟିବେ ।
[ad_2]
