[ad_1]
ନୂଆଦିଲ୍ଲୀ: ଗୁରୁବାର ସନ୍ଧ୍ୟାରେ ଦିଲ୍ଲୀର ଆଲିପୁରର ଅଞ୍ଚଳରେ ଥିବା ଏକ ରାସାୟନିକ ଗୋଦାମରେ ନିଆଁ ଲାଗିଯାଇଥିବାର ଖବର ସାମ୍ନାକୁ ଆସିଛି। ଏହି ବିସ୍ଫୋରଣ ଏତେ ଭୟଙ୍କର ରହିଥିଲା ଯେ ନିକଟରେ ଥିବା ଜନବସତି ଅଞ୍ଚଳକୁ ନିଆଁ ବ୍ୟାପି ଯାଇଥିଲା। ସଦ୍ୟ ପ୍ରାପ୍ତ ସୂଚନା ଅନୁଯାୟୀ ଏହି ଅଗ୍ନିକାଣ୍ଡରେ ପାଞ୍ଚଟି ଦୋକାନ ଏବଂ ୨୨ଟି କାର ଜଳି ଯାଇଛି। ଏହା ସହିତ ଏହି ଅଗ୍ନୀକାଣ୍ଡରେ ତିନି ଜଣଙ୍କର ମୃତ୍ୟୁ ହୋଇଥିବା ଖବର ସାମ୍ନାକୁ ଆସିଛି। ତେବେ ଏହି ନିଆଁକୁ ଲିଭାଇବା ପାଇଁ ୨୨ଟି ଦମକଳ ଗାଡ଼ି ପ୍ରୟାସ କରିଥିଲେ।
ଅଗ୍ନିଶମ ଅଧିକାରୀ କହିଛନ୍ତି ଯେ ଅପରାହ୍ନ ୫.୨୫ ସମୟରେ ଆଲିପୁରର ଏଚ୍ ବ୍ଲକ୍ ଡାଏଲ୍ ମାର୍କେଟରେ ଅବସ୍ଥିତ ରାସାୟନିକ ଗୋଦାମରେ ନିଆଁ ସମ୍ପର୍କରେ ପୋଲିସ ଏବଂ ଅଗ୍ନିଶମ ବିଭାଗ ସୂଚନା ପାଇଥିଲେ। ପୋଲିସ ତୁରନ୍ତ ନିକଟସ୍ଥ ଘରେ ରହୁଥିବା ଲୋକଙ୍କୁ ଘଟଣାସ୍ଥଳରୁ ସ୍ଥାନାନ୍ତର କରିଥିଲା। ଅଗ୍ନିଶମ କର୍ମଚାରୀମାନେ ଘରର ଛାତ ଉପରେ ଚଢି ନିଆଁ ଲିଭାଇଥିଲେ। ଅଗ୍ନିକାଣ୍ଡର କାରଣ ସମ୍ପର୍କରେ ପୋଲିସ ତଦନ୍ତ କରୁଛି।
[ad_2]
