[ad_1]
ନୂଆଦିଲ୍ଲୀ: ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ମୁଣ୍ଡରେ ଲାଗିଛି ଗଭୀର ଆଘାତ। ତାଙ୍କ ମୁଣ୍ଡରୁ ରକ୍ତ ଝରିବାରୁ ଚିକିତ୍ସା ପାଇଁ ତାଙ୍କୁ କୋଲକତା ହସ୍ପିଟାଲରେ ଭର୍ତ୍ତି କରାଯାଇଛି । ଏନେଇ ତୃଣମୂଳ କଂଗ୍ରେସ (ଟିଏମସି) ପକ୍ଷରୁ ସୋସିଆଲ ମିଡ଼ିଆ ପ୍ଲାଟଫର୍ମ ଏକ୍ସ’ରେ ଏକ ପୋଷ୍ଟ ଶେୟାର କରି ସୂଚନା ଦିଆଯାଇଛି ।
TMC says that its chairperson and West Bengal CM Mamata Banerjee sustained “a major injury”
(Pic: AITC/X) pic.twitter.com/60vwdDLsqh
— ANI (@ANI) March 14, 2024
ମମତା ବାନାର୍ଜୀ କୋଲକାତାର ଏସଏସକେଏମ ହସ୍ପିଟାଲରେ ଚିକିତ୍ସିତ ହେଉଛନ୍ତି। ମିଳିଥିବା ସୂଚନା ଅନୁଯାୟୀ, ମମତା ବାନାର୍ଜୀ ଏହି ଦିନ ରାଜ୍ୟ ସଚିବାଳୟ ନାବନକୁ ଯାଇଥିଲେ। ସେଠାରୁ ଏକଡଲିଆ ଯାଇଥିଲେ। ଯେଉଁଠାରେ ସ୍ୱର୍ଗତ ସୁବ୍ରତ ମୁଖୋପାଧ୍ୟାୟଙ୍କ ପ୍ରତିମୂର୍ତ୍ତି ଉନ୍ମୋଚିତ ହୋଇଥିଲା। ଏହା ପରେ ମମତା ଘରକୁ ଫେରିଥିଲେ ଏବଂ ଆଜି ତାଙ୍କର ଅନ୍ୟ କୌଣସି କାର୍ଯ୍ୟକ୍ରମ ନଥିଲା। କୁହାଯାଉଛି ଯେ ମୁଖ୍ୟମନ୍ତ୍ରୀ ନିଜ ବାସଭବନରେ ଟ୍ରେଡ ମିଲ କରୁଥିବା ସମୟରେ ଅଚାନକ ତଳେ ପଡ଼ି ଯାଇଥିଲେ । ଏହାପରେ ତାଙ୍କ ମୁଣ୍ଡରେ ଶକ୍ତ ଆଘାତ ଲାଗିଥିଲା ଏବଂ ରକ୍ତ ଝରୁଥିବା ଦେଖି ଅଭିଷେକ ବାନାର୍ଜୀ ତାଙ୍କୁ ହସ୍ପିଟାଲ ନେଇଯାଇଥିଲେ ।
[ad_2]
