ସାଉଥ୍ ସୁପରଷ୍ଟାର୍ ରାମ ଚରଣଙ୍କ ଫ୍ୟାନ୍ସମାନେ ତାଙ୍କ ଆଗାମୀ ଫିଲ୍ମ ‘ଗେମ୍ ଚେଞ୍ଜର’ର ଟିଜରକୁ ଅନେକ ଦିନ ଧରି ଅପେକ୍ଷା କରିଥିଲେ, ବର୍ତ୍ତମାନ ଏହି ଅପେକ୍ଷାର ଅନ୍ତ ହୋଇଛି । ନିର୍ମାତାମାନେ ଫିଲ୍ମ ଗେମ୍ ଚେଞ୍ଜରର ଏକ ଧମାକାଦାର ଟିଜର ରିଲିଜ କରିଛନ୍ତି । ଶନିବାର ଦିନ ଲକ୍ଷ୍ନୋର ଏକ ସ୍ୱତନ୍ତ୍ର ଇଭେଣ୍ଟରେ ଏସ ଶଙ୍କର ଏବଂ ଦିଲ ରାଜୁଙ୍କ ନିର୍ଦ୍ଦେଶିତ ଏହି ଫିଲ୍ମର ଟିଜର ରିଲିଜ କରିଛି ।
ଏହା ଏକ ପଲିଟିକାଲ ଥ୍ରୀଲର, ଯେଉଁଥିରେ ବଲିଉଡ ଅଭିନେତ୍ରୀ କିଆରା ଆଡଭାନୀ ରାମ ଚରଣଙ୍କ ସହ ନଜର ଆସିବେ ।
ଏକ ମିନିଟ୍ ୩୧ ସେକେଣ୍ଡ୍ ଟିଜରରେ, ରାମ ଚରଣ ଗୁଣ୍ଡମାନଙ୍କୁ ମାଡ଼ ମାରୁଥିବା ଏବଂ ଜବରଦସ୍ତ ଆକ୍ସନ କରୁଥିବାର ନଜର ଆସିଛନ୍ତି । ଗେମ୍ ଚେଞ୍ଜରର ଟିଜରରେ ଜଣେ ବାଳକଙ୍କର ଜର୍ଣ୍ଣି ଦେଖାଯାଇଛି, ଯିଏ UPASC ପାଇଁ ପ୍ରସ୍ତୁତ ହେଉଛି ଏବଂ ପରବର୍ତ୍ତୀ ମୁହୂର୍ତ୍ତରେ ସରକାରୀ ଚାକିରି ସହିତ ଜବରଦସ୍ତ ଆକ୍ସନ କରୁଥିବାର ନଜର ଆସିଛି । ଗେମ୍ ଚେଞ୍ଜରରେ ରାମ ଚରଣ ଜଣେ ଜବରଦସ୍ତ ଆକ୍ସନ ହିରୋ ଭୂମିକାରେ ନଜର ଆସିବେ ।
ଏହି ହାଇ ଡ୍ରାମା ଆକ୍ସନ୍ ଟିଜରରେ ଅଭିନେତ୍ରୀ କିଆରା ଆଡ଼ଭାନୀଙ୍କ ସହିତ ତାଙ୍କର ରୋମାନ୍ସ ମଧ୍ୟ ଦେଖିବାକୁ ମିଳିବ । ଗେମ୍ ଚେଞ୍ଜରର ଟିଜର ଫ୍ୟାନ୍ସମାନଙ୍କୁ ବହୁତ ଖୁସି କରିଛି । ଅନେକ ଫ୍ୟାନ୍ସ, ଟିଜର ଦେଖିବା ପରେ ଏହି ଫିଲ୍ମକୁ ଏକ ବ୍ଲକବଷ୍ଟର ବୋଲି କହୁଛନ୍ତି । କିଆରା ଆଡଭାନୀଙ୍କ ବିଷୟରେ କହିବାକୁ ଗଲେ, ଟିଜରରେ କିଆରାଙ୍କ ଝଲକ ମଧ୍ୟ ଦେଖିବାକୁ ମିଳିଛି , କିନ୍ତୁ ବହୁତ କମ୍ ସମୟ ପାଇଁ । ଅନ୍ୟପକ୍ଷରେ, ରାମ ଚରଣଙ୍କୁ ସମ୍ପୂର୍ଣ୍ଣ ଆକ୍ସନ୍ ମୋଡ୍ ରେ ଦେଖିବାକୁ ମିଳୁଛି ।
ରାମ ଚରଣଙ୍କୁ ଶେଷରେ RRR ରେ ଦେଖାଯାଇଥିଲା, ଯାହା ୨୦୨୨ ରେ ରିଲିଜ ହୋଇଥିଲା । ଏହି ଫିଲ୍ମ କେବଳ ବକ୍ସ ଅଫିସରେ ନୁହେଁ ଓସ୍କାରରେ ମଧ୍ୟ ବହୁତ ଧମାଲ କରିଥିଲା । RRR ପରେ ରାମ ଚରଣ କୌଣସି ଫିଲ୍ମରେ ଫୁଲ୍ ହିରୋ ରୋଲରେ ଅଭିନୟ କରିନଥିଲେ । ଏଭଳି ପରିସ୍ଥିତିରେ ସୁପରଷ୍ଟାରଙ୍କ ଫ୍ୟାନ୍ସମାନେ ବହୁତ ଖୁସି ଅଛନ୍ତି । ଗେମ୍ ଚେଞ୍ଜର ୨୦୨୫ ରେ ସିନେମା ହଲକୁ ଆସିବ । ଏହି ଫିଲ୍ମ ୧୦ ଜାନୁୟାରୀ ୨୦୨୫ ରେ ରିଲିଜ ହେବ ।
ଲକ୍ଷ୍ନୋରେ ଆୟୋଜିତ ଏକ ଇଭେଣ୍ଟରେ ଏହି ଫିଲ୍ମର ଟିଜର ରିଲିଜ ହୋଇଥିଲା, ଯେଉଁଥିରେ ରାମ ଚରଣ, କିଆରା ଆଡଭାନି ଏବଂ ଦିଲ ରାଜୁ ମଧ୍ୟ ଯୋଗ ଦେଇଥିଲେ । ତେବେ ଫିଲ୍ମର ନିର୍ଦ୍ଦେଶକ ଏସ ଶଙ୍କର କିଛି ପର୍ସନାଲ କାରଣରୁ ଏହି ଇଭେଣ୍ଟରେ ଯୋଗ ଦେଇପାରିନଥିଲେ । ସୋସିଆଲ ମିଡିଆରେ ଏକ ପୋଷ୍ଟ ମାଧ୍ୟମରେ ସେ ଏହା ପଛର କାରଣ ମଧ୍ୟ ସ୍ପଷ୍ଟ କରିଛନ୍ତି । ସେ କହିଥିଲେ ଯେ ଚେନ୍ନାଇରେ ସେ ଫିଲ୍ମରେ ବ୍ୟସ୍ତ ଅଛନ୍ତି, ତେଣୁ ଲକ୍ଷ୍ନୋରେ ପହଞ୍ଚି ପାରିନାହାଁନ୍ତି ।
