ବଣାଇ: ବଣାଇରେ ଗର୍ଭବତୀ ମହିଳାଙ୍କୁ ଗୁଳି କରି ହତ୍ୟା ଘଟଣାରେ ସ୍ବାମୀ, ଜଣେ ପୋଲିସ କର୍ମଚାରୀଙ୍କ ସମେତ ତିନି ଅଟକ । ସମସ୍ତଙ୍କୁ ଟକ ରଖି ପଚରାଉଚରା କରୁଛି ପୋଲିସ । ହତ୍ୟା ସନ୍ଦେହରେ ଚାଲିଛି ପଚରାଉଚରା ।
ସୂଚନା ଅନୁସାରେ ସୁନ୍ଦରଗଡ଼ ବଣାଇ ଟିକାୟତପାଲି ଥାନା ଝିର୍ଡାପାଲି ଗାଁରେ ୭ ମାସର ଗର୍ଭବତୀଙ୍କୁ ଗୁଳିକରି ହତ୍ୟା କରାଯାଇଥିଲା । ବୁଧବାର ବିଳମ୍ବିତ ରାତିରେ ଗାଁର ଦେବେନ୍ ବେହେରାଙ୍କ ଘରକୁ ଦୁଇ ଜଣ ଦୁର୍ବୃତ୍ତ ଆସି କବାଟ ବାଡେଇଥିଲେ । ମହିଳା ଜଣକ କବାଟ ଖୋଲିଲା ବେଳେ ସୁନା ଚେନ୍ ଲୁଟିବା ପାଇଁ ଚେଷ୍ଟା କରିଥିଲେ। ଆଉ ମହିଳା ଜଣଙ୍କ ତାଙ୍କୁ ପ୍ରତିରୋଧ କରିବାକୁ ତାଙ୍କ ଉପରକୁ ଅତି ନକଟରୁ ଗୁଳି ଚଳାଇ ଫେରାର ହୋଇଯାଇଥିଲେ । ପରିବାର ଲୋକେ ତାଙ୍କୁ ତୁରନ୍ତ ବଣେଇ ଉପଖଣ୍ଡ ଚିକିତ୍ସାଳୟକୁ ଆଣି ଥିବା ବେଳେ ଡ଼ାକ୍ତର ତାଙ୍କୁ ମୃତ ଘୋଷଣା କରିଥିଲେ । ମୃତ ମହିଳା ହେଲେ ସୌମ୍ୟମୟୀ ବେହେରା । ମାତ୍ର ବର୍ଷକ ତଳେ ବିବାହ କରିଥିଲେ ସୌମ୍ୟାମୟୀ । ଏହି ଘଟଣା ପରେ ପୂରା ବଣେଇ ଅଞ୍ଚଳ ସ୍ତବ୍ଧ ।
