ବାଲେଶ୍ବର :- ଭୁବନେଶ୍ବର ସ୍ଥିତ କିମସ ଅଡିଟୋରିୟମ ରେ ଇନଷ୍ଟିଚ୍ୟୁଟ ଅଫ ମିଡ଼ିଆ ଷ୍ଟଡିଜ, ଉତ୍କଳ ବିଶ୍ୱବିଦ୍ୟାଳୟ ସହ ଓଡ଼ିଶା ସରକାରଙ୍କ ଇଲେକ୍ଟ୍ରୋନିକ୍ସ ଓ ସୂଚନା ପ୍ରଯୁକ୍ତିବିଦ୍ୟା ବିଭାଗ ଅଧିନସ୍ଥ ଓଡ଼ିଶା କମ୍ପ୍ୟୁଟର ପ୍ରୟୋଗ କେନ୍ଦ୍ରର ସହଭାଗିତାରରେ ଆୟୋଜିତ ତିନିଦିନିଆ ଜାତୀୟ ମିଡ଼ିଆ ମହାକୁମ୍ଭର ନବମ ସଂସ୍କରଣର ଉଦଯାପନୀ ଉତ୍ସବରେ ମୁଖ୍ଯବକ୍ତା ଭାବେ ଯୋଗଦେଇ ଫକୀରମୋହନ ବିଶ୍ୱବିଦ୍ୟାଳୟର କୁଳପତି ପ୍ରଫେସର ସନ୍ତୋଷ କୁମାର ତ୍ରିପାଠୀ ନିଜ ମୂଲ୍ୟବାନ ଅଭିଭାଷଣ ଉପସ୍ଥାପନ କରିଥିଲେ।
ସେ କହିଥିଲେ ଯେ ବର୍ତ୍ତମାନର ଏ.ଆଇ ଯୁଗରେ ଆବଶ୍ୟକତା ଅନୁସାରେ ଏହାର ବ୍ୟବହାର ବହୁଳ ହୋଇଅଛି। ସବୁବର୍ଗର, ସବୁ ବୃତ୍ତିର ବ୍ଯକ୍ତିବିଶେଷ ଏହା ଉପରେ ନିର୍ଭରଶୀଳ ହେବା ପରିଲକ୍ଷିତ ହେଉଛି। ଏହି ପରିବର୍ତ୍ତନଶୀଳ ପରିସ୍ଥିତିରେ ଏ.ଆଇ କୁ ଆମେ ସଦୁପୋଯୋଗ କରିବା ସହ ନିଜର ଅନ୍ତର୍ନିହିତ ଜ୍ଞାନକୁ ହରାଇବା ନାହିଁ। ଛାତ୍ରଛାତ୍ରୀଙ୍କୁ ନିଜ ଗବେଷଣା କ୍ଷେତ୍ରରେ ହେଉ କିମ୍ବା ବୃତ୍ତିଗତ ଜୀବନରେ ପଦୋନ୍ନତି ପାଇଁ ହେଉ, ଏ.ଆଇ ର ବ୍ଯବହାର କରାଯାଉ କିନ୍ତୁ କାର୍ଯ୍ୟକଳାପର ମୌଳିକତାକୁ ନଷ୍ଟ ନକରାଯାଉ ।
ଏହି ଉତ୍ସବରେ ମୁଖ୍ଯ ଅତିଥି ଭାବେ ଓଡ଼ିଶା ବିଧାନସଭାର ବାଚସ୍ପତି ସମ୍ମାନନୀୟା ସୁରମା ପାଢ଼ୀ ଯୋଗଦେଇ ,
ସାମ୍ବାଦିକତାରେ କୃତ୍ରିମ ବୁଦ୍ଧିମତ୍ତା (ଏ.ଆଇ )ର ବ୍ଯବହାର ସମୟରେ ଗଣମାଧ୍ୟମ ନିଜ ନୀତିଗତ ମାନଦଣ୍ଡକୁ ଦୃଢୀଭୂତ ରଖିବା ସହ ସାମାଜିକ ନୈତିକତାକୁ
ଅକ୍ଷୁର୍ଣ୍ଣ ରଖି ଖବର ପ୍ରକାଶ ଓ ପ୍ରସାରଣ କରିବାର ଆବଶ୍ୟକତାର ଅନୁଭବକୁ ପରିପ୍ରକାଶ କରିଥିଲେ।
ଉପସ୍ଥିତ ଅତିଥି ଭାବେ ଗାନ୍ଧୀନଗର ସ୍ଥିତ ପଣ୍ଡିତ ଦିନଦୟାଲ ଶକ୍ତି ବିଶ୍ୱବିଦ୍ୟାଳୟର ପ୍ରଫେସର ପ୍ରଦୀପ ମଲ୍ଲିକ ନିଜ ମୂଲ୍ୟବାନ ଉଦବୋଧନ ପ୍ରଦାନ କରିଥିଲେ।
ଏହି ନବମ ମିଡ଼ିଆ ମହାକୁମ୍ଭର ଅଧ୍ୟକ୍ଷ ତଥା ଆଇ.ଏମ.ଏସ ର ନିର୍ଦ୍ଦେଶକ ପ୍ରଫେସର ଉପେନ୍ଦ୍ର ପାଢ଼ୀ ଅତିଥିଙ୍କୁ ସ୍ବାଗତ ଜଣାଇଥିଲେ।
