ଖରା ପରେ ବର୍ଷା ଋତୁ ଆସିଥାଏ । ଯାହା ଦ୍ବାରା ଖରା ଗରମରୁ ମୁକ୍ତି ମିଳିଥାଏ । ଏହି ଋତୁରେ ଖାଦ୍ୟପେୟ ବିଗିଡିଯାଇଥାଏ । ତେଣୁ ଖାସ୍ କରି ଏହି ଋତୁରେ ଦେହ ଅସୁସ୍ଥ ହେଉଥିବା ଅଧିକ ଦେଖିବାକୁ ମିଳିଥାଏ । କିନ୍ତୁ ଏହି ବର୍ଷା ଋତୁ ପୂର୍ବରୁ ଖରାଦିନେ ଗରମରୁ ରକ୍ଷା ପାଇବା ପାଇଁ ଏସିର ବ୍ୟବହାର କରିଥାଆନ୍ତି । ଏସିର ବ୍ୟବହାର ଯୋଗୁଁ ଗରମରୁ ମୁକ୍ତି ମିଳିବା ସହିତ ଝାଳ ମଧ୍ୟ ଶୁଖିଯାଇଥାଏ । ହେଲେ ଏହି ସବୁର ପରିଣାମ ବର୍ଷା ଋତୁରେ ଦେଖିବାକୁ ମିଳିଥାଏ । ସାରା ରାତି ଏସିରେ ଶୋଇବା ଦ୍ବାରା ସ୍ବାସ୍ଥ୍ୟଗତ କ୍ଷତି ଭୋଗିବାକୁ ପଡିଥାଏ । ତେବେ ଏସିରେ ଶୋଇବା ଦ୍ବାରା କେଉଁ ସବୁ କ୍ଷତି ହୋଇଥାଏ ଆସନ୍ତୁ ସେସମ୍ପର୍କରେ ଜାଣିବା ।
ଏସିରେ ରାତିସାରା ଶୋଇବା ଦ୍ବାରା ବହୁତ ଥଣ୍ଡା ଏବଂ କୋଠରୀରେ ଶୁଷ୍କତା ବୃଦ୍ଧି କରିପାରେ । ଏହା ନାକ ଏବଂ ଗଳାକୁ ଜ୍ୱଳନ କରିପାରେ ଏବଂ ଭାଇରାଲ୍ ସଂକ୍ରମଣର ଆଶଙ୍କା ବଢ଼ାଇପାରେ । ଏସି ଫିଲ୍ଟରଗୁଡିକ ମଇଳା ଏବଂ ବ୍ୟାକ୍ଟେରିଆ ଆଲର୍ଜି ସୃଷ୍ଟି କରିପାରେ । ଯାହା ଛିଙ୍କ, ନାକ ବନ୍ଦ ହୋଇଯିବା, ଆଖି କୁଣ୍ଡେଇ ହେବା ଏବଂ କାଶ ହେବାର କାରଣ ହୋଇପାରେ । ଅଧିକ ଥଣ୍ଡା ହେବା କାରଣରୁ ଯାହା ଆସ୍ଥମା, ଶ୍ବାସକ୍ରିୟା ଏବଂ କାଶ ଭଳି ସମସ୍ୟା ଦେଖାଦେଇପାରେ ।
ଅଧିକ ସମୟ ଧରି ଏସି ରୁମରେ ରହିବା ଦ୍ବାରା ବାୟୁ ଶୁଷ୍କ ହୋଇଯାଏ ।ଫଳରେ ଆଖି ଶୁଷ୍କ ହେବା, ଚର୍ମରେ ଜଳାପୋଡା ଏବଂ ଓଠ ଫାଟିବା ଭଳି ସମସ୍ୟା ଦେଖାଦିଏ । ଯାହା ସାଇନସ୍ ଲକ୍ଷଣ ମଧ୍ୟ ସୃଷ୍ଟି କରିପାରେ। ରାତିସାରା ACରେ ଶୋଇବା ଦ୍ୱାରା ମାଂସପେଶୀ ଏବଂ ସନ୍ଧି କଠିନ ହୋଇପାରେ । ବିଶେଷକରି ଯଦି ଆପଣଙ୍କର ଗଣ୍ଠି ଯନ୍ତ୍ରଣା କିମ୍ବା କୌଣସି ଦୀର୍ଘକାଳୀନ ମାଂସପେଶୀ ସମସ୍ୟା ଅଛି ତେବେ ଏସିରେ ଶୋଇବାଠାରୁ ଦୂରେଇ ରୁହନ୍ତୁ । ଏହା ବ୍ୟତୀତ ଏସି ରୁମରେ ବହୁତ ସମୟ ବସିବା ଦ୍ବାରା ମୁଣ୍ଡବିନ୍ଧା ଏବଂ କ୍ଲାନ୍ତି ଅନୁଭବ ହୋଇପାରେ ।
