ଦେଶର ୫ ଐତିହାସିକ ସ୍ଥଳ ଗୁଡିକର ଦ୍ବାରା ସବୁଦିନ ପାଇଁ ବନ୍ଦ ହୋଇସାରିଛି, ଜାଣନ୍ତୁ ଏହା ପଛର ରହସ୍ୟ – Sahana Mela
[ad_1]
ନୂଆଦିଲ୍ଲୀ: ଭାରତ ଏକ ଐତିହାସିକ ସ୍ମାରକୀ ଏବଂ ପ୍ରାଚୀନ ମନ୍ଦିରରେ ପରିପୂର୍ଣ୍ଣ ଦେଶ । ଅନେକ ସମୟରେ ବିଭିନ୍ନ ସ୍ଥାନରେ ବିଭିନ୍ନ ରହସ୍ୟ ମଧ୍ୟ ସାମ୍ନାକୁ ଆସେ । ସେଠାରେ ଅନେକ ଐତିହାସିକ ସ୍ଥାନ ଅଛି ଯାହାର କବାଟ ବର୍ଷ ବର୍ଷ ପୂର୍ବରୁ ବନ୍ଦ ହୋଇଯାଇଛି । ଆଜି ପର୍ଯ୍ୟନ୍ତ ଥରୁଟିଏ ହେଲେ ଏହି କବାଟ ଖୋଲାହୋଇ ନାହିଁ । କାହିଁକି ବନ୍ଦ ହେଲା ଏହି ସବୁ ଐତିହାସିକ ସ୍ଥାନର ଦ୍ବାର । ଏହା ପଛରେ ଥିବା କାହାଣୀଗୁଡ଼ିକ ଅତ୍ୟନ୍ତ କୌତୁହଳପୂର୍ଣ୍ଣ । ଆପଣଙ୍କୁ ଏପରି 5 ଟି ପ୍ରାଚୀନ ସ୍ଥାନ ବିଷୟରେ କହିବୁ ଯାହାର କବାଟ ବହୁ ପୂର୍ବରୁ ବନ୍ଦ ହୋଇଯାଇଛି ।
କୁତୁବ୍ ମିନାର-
କୁତୁବ୍ ମିନାର ଯାହା ଦିଲ୍ଲୀରେ ଅବସ୍ଥିତ । ଏହା ଦୁନିଆର ସବୁଠାରୁ ଉଚ୍ଚ ଅଟ୍ଟାଳିକା ମଧ୍ୟରେ ଗଣାଯାଏ । ଏହାର ନିର୍ମାଣ କୁତୁବୁଦ୍ଦିନ୍ ଏବକ୍ ଦ୍ୱାରା ଆରମ୍ଭ ହୋଇଥିଲା ଏବଂ ଏହାର କାର୍ଯ୍ୟ ଇଲତୁତମିଶ୍ ଙ୍କ ଦ୍ୱାରା ଶେଷ ହୋଇଥିଲା । ସେହି ସମୟରେ ଏହି ବିଲ୍ଡିଂରେ ପ୍ରବେଶ କରିବା ପାଇଁ ଏକ ଦ୍ୱାର ଥିଲା । ଯାହା ପରେ ବନ୍ଦ ହୋଇଯାଇଥିଲା । ଦ୍ବାର ବନ୍ଦ ହେବା ପଛର କାରଣ ହେଉଛି ଯେ, ୧୯୮୧ ମସିହା ଡିସେମ୍ବର ୪ ରେ କୁତୁବ୍ ମିନାର ଭିତରେ ଲୋକଙ୍କ ସହ ଏକ ଭୟଙ୍କର ଦୁର୍ଘଟଣା ଘଟିଥିଲା । ଯେଉଁ କାରଣରୁ ଭିତରେ କୋଳାହଳ ସାଙ୍ଗକୁ ଦୌଡାଦୌଡି କରିବାକୁ ଆରମ୍ଭ କରିଥିଲେ ଲୋକେ ଫଳରେ ଦଳାଚକଟା କାରଣରୁ ୪୫ ଜଣଙ୍କର ମୃତ୍ୟୁ ହୋଇଥିଲା । ଯାହା ପରେ ଏହି କବାଟକୁ ସବୁଦିନ ପାଇଁ ବନ୍ଦ କରିଦିଆଗଲା ।
ପଦ୍ମନାଭସ୍ୱାମୀ ମନ୍ଦିର-
କେରଳରା ଥିରୁଅନନ୍ତପୁରମ୍ ରେ ଅବସ୍ଥିତ ପଦ୍ମନାଭସ୍ୱାମୀ ମନ୍ଦିର । ଏହାକୁ ଟ୍ରାବଣକୋରର ରାଜାମାନେ ନିର୍ମାଣ କରିଥିଲେ । ଏହି ମନ୍ଦିରରେ ଭଗବାନ ବିଷ୍ଣୁଙ୍କୁ ପୂଜା କରାଯାଏ । ଯେତେବେଳେ ଏହି ମନ୍ଦିରର ୬ ଟି କବାଟ ଖୋଲାଗଲା, ସେତେବେଳେ ଭାରତ ସରକାର ୧ ଲକ୍ଷ ୩୨ ହଜାର କୋଟି ଟଙ୍କା ମୂଲ୍ୟର ଧନରତ୍ନ ପାଇଥିଲେ । ଏହାର ସପ୍ତମ ଦ୍ୱାର ଆଜି ପର୍ଯ୍ୟନ୍ତ ଖୋଲା ନାହିଁ । କୁହାଯାଏ ଯେ ଏହି ଦ୍ୱାରକୁ ଭଗବାନ ବିଷ୍ଣୁଙ୍କ ଶେଷନାଗ ଜଗି ରହିଛନ୍ତି । ଥରେ ଜଣେ ବ୍ୟକ୍ତି ଏହି କବାଟ ଖୋଲିବାକୁ ଚେଷ୍ଟା କଲା ପରେ ତାଙ୍କୁ ବିଷାକ୍ତ ସାପ କାମୁଡ଼ି ଦେଇଥିଲା ।
ସୂର୍ଯ୍ୟ ମନ୍ଦିର-
ସୂର୍ଯ୍ୟ ଭଗବାନଙ୍କୁ ଉତ୍ସର୍ଗୀକୃତ କୋଣାର୍କର ସୂର୍ଯ୍ୟ ମନ୍ଦିର ଓଡ଼ିଶାର ପୁରୀ ଜିଲ୍ଲାରେ ଅବସ୍ଥିତ । ଏହା ୧୩ ତମ ଶତାବ୍ଦୀରେ ରାଜା ଲାଙ୍ଗୁଳା ନରସିଂହଦେବଙ୍କ ଦ୍ୱାରା ନିର୍ମିତ ହୋଇଥିଲା । ଆକ୍ରମଣ ଏବଂ ପ୍ରାକୃତିକ ବିପର୍ଯ୍ୟୟ ହେତୁ ଯେତେବେଳେ ମନ୍ଦିର ନଷ୍ଟ ହେବାକୁ ଲାଗିଲା, ସେତେବେଳେ ତତ୍କାଳୀନ ଗଭର୍ଣ୍ଣର ଜନ୍ ଉଡବର୍ନ ଜଗମୋହନ ମଣ୍ଡପର ଚାରି ଦ୍ୱାରରେ କାନ୍ଥ ଉଠାଇ ବାଲି ଭର୍ତ୍ତି କରିଦେଲେ । ଏହାଦ୍ୱାରା ଯେପରି ମନ୍ଦିର କୌଣସି ପ୍ରକାର ବିପଦ ଦ୍ୱାରା ପ୍ରଭାବିତ ନହେଉ । ୧୯୦୩ ରେ ସବୁଦିନ ପାଇଁ ଏହି କବାଟ ବନ୍ଦ ହୋଇଗଲା ।
ତାଜ ମହଲ-
ଆଗ୍ରା ଠାରେ ଅବସ୍ଥିତ ଦୁନିଆର ୭ମ ଅଜୁବା ମଧ୍ୟରୁ ତାଜମହଲର ୨୨ ଟି ବନ୍ଦ ଦ୍ୱାର ରହିଛି । ୨୦୨୨ ମସିହାରେ ଏହାକୁ ଖୋଲିବା ପାଇଁ ଆହ୍ଲାବାଦ ହାଇକୋର୍ଟରେ ଏକ ଆବେଦନ କରାଯାଇଥିଲା । ଐତିହାସିକଙ୍କ ଅନୁଯାୟୀ, ଏହି କୋଠରୀଗୁଡ଼ିକ ଶେଷ ଥର ପାଇଁ ୧୯୩୪ ରେ ଖୋଲାଯାଇଥିଲା । କେତେକ ତତ୍ତ୍ୱବିତ୍ଜ୍ଞମାନେ ବିଶ୍ବାସ କରନ୍ତି ଯେ ତାଜମହଲର ତଳ ମହଲାରେ ଥିବା କୋଠରୀଗୁଡ଼ିକ ମାର୍ବଲରେ ନିର୍ମିତ । କୁହାଯାଏ ଯେ ଯଦି ବେସମେଣ୍ଟରେ କାର୍ବନ ଡାଇଅକ୍ସାଇଡର ପରିମାଣ ବଢେ ତେବେ ଏହା କ୍ୟାଲସିୟମ କାର୍ବୋନେଟରେ ପରିଣତ ହୋଇପାରେ, ଯାହା ସ୍ମାରକୀକୁ କ୍ଷତି ପହଞ୍ଚାଇପାରେ । ତଥାପି, ତାଜମହଲର ଉତ୍ତର କାନ୍ଥର ଦୁଇଟି କବାଟ ଇଟା ସହିତ ବନ୍ଦ ହୋଇଯାଇଥିଲାବେଳେ ୧୯୭୦ ପୂର୍ବରୁ ଏହି ଦ୍ବାରା ଗୁଡ଼ିକ ଖୋଲାଥିଲା ।
ଦିଗମ୍ବର ଜୈନ ମନ୍ଦିର-
ଜୈନ ଧର୍ମର ସବୁଠାରୁ ବଡ ମନ୍ଦିର ଭାରତର ମଧ୍ୟପ୍ରଦେଶ ରାଜ୍ୟ ବାରାସୋରେ ଅବସ୍ଥିତ । ଯାହାର ନାଁ ଦିଗମ୍ବର ଜୈନ ମନ୍ଦିର ଅଟେ । ଏହାର ଦ୍ୱାର ପ୍ରାୟ ୮୦୦ ବର୍ଷ ପାଇଁ ବନ୍ଦ ରହିଥିଲା, ଯାହା ୨୦୧୯ ରେ ଖୋଲା ଯାଇଥିଲା । ଏହି ମନ୍ଦିରର କବାଟ ଖୋଲିବା ମାତ୍ରେ ଲୋକମାନେ ଦେଖିଲେ ଯେ ଗୋଟିଏ କୋଠରୀ ତଳେ ଆଉ ଏକ କୋଠରୀ ଅଛି, ଯାହା ଭିତରେ ଲୋକମାନେ ବହୁ ପ୍ରାଚୀନ କାଳର କିଛି ଜିନିଷ ପାଇଥିଲେ । ଏହା ଦେଖି ଲୋକମାନେ ଆଦୌଅନୁଭବ କଲେ ନାହିଁ ଯେ ଏହି ଜିନିଷଗୁଡ଼ିକ ପୁରୁଣା ଅଟେ । ଭିତରୁ ଆଉ ଏକ ଗୁମ୍ଫା ମିଳିଲା, ଯେଉଁଠାରୁ ବହୁ ଅଳିଆ ବାହାରିଥିଲା ।
[ad_2]
