ସେପ୍ଟେମ୍ବର ମାସରେ ଆପଲ୍ iPhone 16 ସିରିଜ୍ ଲଞ୍ଚ କରିଥିଲା । ପାୱାରଫୁଲ୍ ଫିଚର୍ସ ସହିତ ଆପଲ୍ ଦ୍ୱାରା ବଜାରରେ iPhone 16 ଲଞ୍ଚ କରାଯାଇଥିଲା । କିନ୍ତୁ iPhone 17 ରେ କିଛି ଅଧିକ ପାୱାରଫୁଲ୍ ଫିଚର୍ସ ମିଳିବାକୁ ଯାଉଛି । ଆସନ୍ତା ବର୍ଷ ସେପ୍ଟେମ୍ବରରେ ଆପଲ୍ iPhone 17 ସିରିଜ୍ ଲଞ୍ଚ କରିପାରେ, କିନ୍ତୁ ଏହା ବିଷୟରେ ଏବେ ଠାରୁ ଅନେକ ଲିକ୍ ଆସିବା ଆରମ୍ଭ କରିସାରିଛି । ଲାଟେଷ୍ଟ ଲିକ୍ ହୋଇଥିବା ରିପୋର୍ଟ ଅନୁଯାୟୀ, iPhone 17 Pro ରେ ଅନେକ ବଡ଼ ପରିବର୍ତ୍ତନ ହୋଇପାରେ ।
iPhone 16 ରେ, କମ୍ପାନୀ ୟୁଜର୍ସଙ୍କ ପାଇଁ ୪ଟି ଚମତ୍କାର ମଡେଲ୍ ଲଞ୍ଚ କରିଥିଲା । ଏଥିରେ iPhone 16, iPhone 16 Plus, iPhone 16 Pro ଏବଂ iPhone 16 Pro Max ସାମିଲ ଥିଲା । ସେହିଭଳି, iPhone 17 ସିରିଜରେ ମଧ୍ୟ ୪ଟି ନୂତନ ଆଇଫୋନ୍ ମିଳିବାକୁ ଯାଉଛି । ଆଗାମୀ ସିରିଜର ପ୍ରୋ ମଡେଲ୍ ବହୁତ ସ୍ୱତନ୍ତ୍ର ହେବାକୁ ଯାଉଛି । ରିପୋର୍ଟ ଅନୁଯାୟୀ, ଆଗାମୀ ଆଇଫୋନ୍ ଗୁଡିକରେ ମୁଖ୍ୟ ଅପଡେଟଗୁଡ଼ିକ କେବଳ ପ୍ରୋ ମଡେଲରେ ଦେଖିବାକୁ ମିଳିବ ।
iPhone 17 ଫ୍ରେମରେ ହେବ ପରିବର୍ତ୍ତନ:
ଆପଲ୍ ଲଭର୍ସମାନେ ବେଶ ଉତ୍ସାହର ସହିତ ଆଇଫୋନ୍ 17 ସିରିଜ୍ ପାଇଁ ଅପେକ୍ଷା କରିଛନ୍ତି । ଗତ କିଛି ଦିନ ମଧ୍ୟରେ, ନୂଆ ଆଇଫୋନ୍ ସମ୍ବନ୍ଧରେ ଅନେକ ଥର ଲିକ୍ ସାମ୍ନାକୁ ଆସିଛି । ଯଦି ଲିକ୍ ବିଶ୍ୱାସ କରାଯାଏ, ତେବେ କମ୍ପାନୀ iPhone 17 Pro ସହିତ ପୁଣିଥରେ ଆଇଫୋନରେ ଆଲୁମିନିୟମ୍ ଫ୍ରେମ୍ ଆଣିପାରେ । Apple iPhone 15 Pro ଏବଂ iPhone 16 Pro ରେ ଟାଇଟାନିୟମ୍ ଫ୍ରେମ୍ ବ୍ୟବହାର କରିଥିଲା ।
iPhone 17 ପ୍ରୋସେସରରେ ହେବ ପରିବର୍ତ୍ତନ:
iPhone 17 Pro ରେ ଆପଲ୍ ଏହାର ଚିପସେଟରେ ଏକ ବଡ ପରିବର୍ତ୍ତନ କରିବାକୁ ଯାଉଛି ବୋଲି ଲିକରେ ପ୍ରକାଶ ପାଇଛି । ଆଗାମୀ ସିରିଜର ପ୍ରୋ ମଡେଲରେ A19 Pro ଚିପସେଟ ମିଳିପାରିବ । Apple A19 Bionic ଚିପସେଟ TSMC ର 3nm ଟେକ୍ନୋଲୋଜି ଉପରେ ଆଧାରିତ ହେବ । ଆଇଫୋନ୍ 17 ସିରିଜରେ ଆପଲ୍ ୮ ଜିବିରୁ ଅଧିକ RAM ପ୍ରଦାନ କରିପାରିବ ବୋଲି ଆଶା କରାଯାଉଛି ।
ଅପଗ୍ରେଡ୍ ହେବ କ୍ୟାମେରା, RAM ଏବଂ ଷ୍ଟୋରେଜ୍:
ଲିକରେ ଏହା ମଧ୍ୟ ପ୍ରକାଶ ପାଇଛି ଯେ ଏଥର କ୍ୟାମେରା ମଡ୍ୟୁଲରେ ମଧ୍ୟ ଏକ ବଡ଼ ପରିବର୍ତ୍ତନ ଦେଖିବାକୁ ମିଳିବ । ଆଇଫୋନ୍ 17 ରେ କ୍ୟାମେରା ମଡ୍ୟୁଲ୍ ଆଲୁମିନିୟମରେ ତିଆରି ହୋଇପାରେ । ଏଥର ନୂଆ ଆଇଫୋନ୍ ୟୁଜର୍ସମାନେ ଫ୍ରଣ୍ଟରେ ୨୪MP ସେଲଫି ଏବଂ ଭିଡିଓ କ୍ୟାମେରା ପାଇପାରିବେ । ଏହା ବ୍ୟତୀତ, ପ୍ରୋ ମଡେଲରେ ରିୟର କ୍ୟାମେରା ମଧ୍ୟ ଅପଗ୍ରେଡ୍ କରାଯାଇପାରେ । ଅର୍ଥାତ୍ ଏହି ଆଗାମୀ ଫୋନରେ ଆପଣଙ୍କୁ ୪୮MP ରୁ ଅଧିକ କ୍ୟାମେରା ସେନ୍ସର ଦିଆଯାଇପାରେ
